"AMELIA, SIGE NA. Baka kapag ikaw ang kumausap kay Franco, baka pumayag siya," ani Charlotte sa pinsan. Kagabi pa niya ito kinukulit tungkol kay Franco ngunit ganoon pa rin ang sagot sa kaniya.
"Charlotte, wala akong maitutulong sa kaniyang kaya paanong baka ako mapapayag ko siya? Look, sinubukan naman natin siyang kausapin, di ba? Walang nangyari," anito. Binalik nito ang atensyon sa ginagawa.
Bumagsak ang balikat niya at tila nalugeng lumapit sa tabi nito. Nagbabasa kasi ito ng aklat at nakatambay sa veranda. Huminga siya nang malalim saka tumabi ng upo rito.
"Bakit kasi ayaw na niya? Ayaw na ba niyang ma-reincarnate?" Ang tanong niyang iyon ay hindi para sa pinsan. Alam naman kasi ni Charlotte na hindi rin alam ni Amelia ang sagot.
Binaba nito ang aklat na hawak saka humarap sa kani
