HUMAHANGOS ANG mommy ni Chatlotte nang makarating ito sa loob ng kaniyang silid. Bakas din ang pag-aalala nito sa mukha. Nang makalapit ito ay kaagad siya nitong niyakap nang mahigpit. Gulat na gulat pa rin si Charlotte sa biglaang pagdating ng ina.
"Ayos ka lang ba, anak? Anong nangyari? Tinawagan ako ng daddy mo at nawalan ka raw ng malay," anito sa kaniya. Naupo sa kaniyang tabi.
Bago siya sumagot ay tiningnan muna niya ang kasama nitong babae. Sa tingin niya ay nasa late-thirty ang edad nito. Makapal ang make-up nito sa mukha at pulang-pula ang labi. Nakasuot ito ng
Dishiki style dress at ang makapal at mahabal buhok ay bahagyang nakakulot.
Tama si Elijah. May hawak itong libro na kahit siya ay ngayon lang din niya nakita. Mula sa kamay nitong may hawak ng libro ay umakyat sa mukh
