Aratiles POV.
Matapos naming kumain sa restaurant ay pabalik na sana kami sa opisina nang tumawag si Yaya Erly sa akin. Nagtataka ako dahil oras pa naman nang klase ngayon. Mag-aala una na kasi ng hapon. Pababayaan ko na lang sana dahil biglang nawala ang tawag. Baka nag-miss call lang ngunit muling tumunog ang cellphone ko, kaya sinagot ko na lang ito.
"Hello, Yaya Erly, napatawag ka?" tanong ko sa kanya.
“Ara, anak, si Andie nawawala,” sabi ni Yaya Erly at pumiyok pa ang boses.
“Nawawala? Paanong nawawala, Yaya? diba nasa klase lang siya?” kinakabahan na sa sabi ko ngunit pinilit kong ikalma ang sarili. Baka nasa paligid lang si Andie.
“Kanina ko pa nga hinahanap eh. Ang sabi niya mag-cr lang siya. Ngunit dumating ang oras para sa afternoon class ay walang Andie na bumalik
