Aratiles Valencia
Nasa restaurant kami ngayon ni Timothy. Hinihintay namin ang pagdating ni Zari kasam si Stella. Walang alam ang huli na nais namin siyang kausapin. Hindi na rin kasi nito sinagot ang mga tawag ko. Kaya naman ay napipilitan akong idaan kay Zari ang pakikipag-usap para hindi niya malalaman na kami ang gustong kumausap nito.
Napag-usapan namin ni Timothy na bigyan ng pagkakataon ang mag-ina na makikilala ang isa’t-isa. Tama din kasi si Timothy. Habang lumalaki si Andie ay alam kong magtatanong na rin ito tungkol sa tunay niyang pagkatao. Habang maaga pa at hindi pa masyadong maintindihan ng bata ang sitwasyon. Baka kasi kapag pinatagal pa namin ay mas lalong lalayo ang loob ng bata sa tunay na ina. Kaya naman ay naisipan namin unti-untihin sila ipakilala sa isa’t-isa.
