Ika-apatnapung Kabanata
Blue’s Point of View “Tignan na lang natin,” ang nakangiti niya namang saad. “Lancea.” Ang pagtawag niya sa isa pa niyang sandata at sinubukang isaksak sa akin. Kaagad naman akong umiwas habang sinasangga ko pa rin ang naunang pag-atake niya. “Lux Sphera,” ang wika ko bago iniharap sa kanya ang aking kamay. Nagsilabasan naman ang mga bola ng liwanag na nagtulak sa kanya palayo. Hindi ko naman pinalagpas ang pagkakataon na muling umatake habang nasa ere siya. Muli akong nagpalabas ng mga bola ng liwanag mula sa aking mga kamay at pinatamaan siya. Isang malagkas na pagbagsak naman ang aking narinig. Hindi ko gaanong makita ang paligid dahil sa mga pagsabog. Nakarinig naman ako ng tunog ng metal. Kaagad kong napagtanto na siya naman ngayon ang sumugod. May sibat na lumabas mula sa usok
- Writer
