------
***Melody's POV***
-
Nahinto ko bigla ang kotse nang humarang sa akin na isang itim na van. Agad akong nakaramdam ng kaba, parang nangyari na ito sa akin. Itim na van din ang humarang sa akin noon at tinangay ako ng ilang kalalakihan na nagkamaskara. Kung noon, takot na takot ako pero ngayon, mas nanaig ang tapang ko. May takot at pangamba rin, pero kung uunahin kong isipin ang mga ito baka sa pagkakataong ito, tuluyan na akong ma- disgrasya dahil wala nang magliligtas sa akin.
Kasalukuyan kong hinahanap ang baril ko pero hindi ko ito makita. Napamura ako sa isip nang napagtanto ko na sa lahat ng araw na pwede kong maiwan ang baril ko, ngayon pa na nasa panganib ako. Pero hindi--- kailangan kong lakasan ang kalooban. Mukhang kailangan kong gamitin ang natutunan ko sa pakikipagla
