الفصل السادس عشر
قطة فى عالم الذئاب
فى القاهرة وبالتحديد فى فيلا البكرى
وصل فادى وقابل والدتة كانت تشعر بالقلق فمنذ أن رحل لم تعلم عنة شئ..
هتفت نجوى بعتاب : حمدالله على السلامه يابنى بقى كدة يا فادى تسبنى يومين من غيرماطمن قلبى يابنى
فادى .حقك عليا ياست الكل المهم انا مبسوط وفرحان جدا أن وصلت لاخواتى وجاى مخصوص عشان اتكلم مع حضرتك فى موضوعهم
همست بضجر : اممم وشوفتهم فين بقى واتاكدت انهم فعلا أخواتك ولا حد غيرهم
- اه طبعا هم اخواتى وكانو فى المزرعة عند عمى عا** انا دلوقتي ارتحت
- طيب كويس
- ماما انا لم قولت هدور عليهم واجبهم يعيشو معايا مش كان كلام وخلاص ولو حضرتك رفضتى أسف مش هقدر اسيب اخواتى البنات يعيشو لوحدهم ولا يفضلو عند حد غريب
هتفت بحزن : مش خلاص كبرت عليا وقررت مستنى أية بقى
فادى ماما انا لو فعلا كنت مقرر وهنفذ كنت ابسط حاجة عملتها جبتهم معايا لكن انا جاى اتكلم م
