CINDY POINT OF VIEW
"Nag-text si Xander. Kasama niya na raw si Sean at malapit na sila," basa ni Jen sa text ni Xander.
"Okay, ready naman na ang lahat, 'di ba?" nakangiti kong tanong habang tinitignan ang paligid.
"Mamaya matutulog ulit ako," inaantok na sabi ni Will. Naupo siya sa isang pwesto at pumikit na binawal agad ni Jen. "Hay, si Cindy kasi, e. Namumuyat."
"Alam niyo namang kayo lang ang malalapitan ko," sagot ko. "Nga pala, asaan si Phil?" Linga ko sa paligid.
"Hinahanap mo 'yung lalaki mo?" pabirong tanong ni Michael na inirapan ko kaagad.
"Sinabi ko na sa inyo ang totoo."
"Wala na siya, Cindy. Umalis siya nang walang paalam."
"Anong wala? Hindi ba nag-iwan siya ng sulat sa table para sa'yo?" kibo ni Jen.
"Anong sabi niya?" tanong ko.
"Magiging ayos lang daw siya at '
