Lauren’s POV
Kinabahan ako nang makita kong nandito si Ezekiel dahil pinapunta pa naman namin si Nate ngayon. Mabuti na nga lang at sinabi ni Nate na hindi siya makararating dito, gusto lang din makausap ni Kelly si Nate. Nabanggit ko naman sa kanya kung ano ang estado naming dalawa kaya hindi naman iyon maiilang sa amin.
Hindi naman nagtagal ay nakabalik na rin si Kuya Angelo kaya sumama siya sa labas para makipag-inuman kina Ezekiel at Dan.
Habang pinatutulog ko si Elly ay nakatingin lang sa akin si Kelly kaya sinabi ko na huwag na niya akong kulitin na mag-kuwento ngayon tungkol sa mga nangyayari sa buhay ko dahil wala pa akong balak na sabihin ang lahat sa kanya. Hihinga lang ako.
“Hindi pa ako magsasabi sa iyo kaya huwag ka na makulit,” pag-ulit ko pa.
“Hindi naman iyon ang dahil
