Lauren’s POV
Mas lalo lang pinagugulo ni Ezekiel ang utak ko lalo na noong nagtanong siya kung mahal ko si Nate. Sino ba siya para tanungin ako na parang may karapatan pa siyang magtanong sa akin ng ganoon?
Noong sinabi ko nga iyon kay Kelly ay tinawanan lang ako at nagtanong din siya ng, “Bakit? Wala na ba talagang karapatang magtanong sa iyo si Kiel? Look, nararamdaman ko naman na importante sa iyo si Nate at alam kong nararamdaman mo rin na mahal ka niya. Pero . . . kung hindi mo na mahal si Kiel, dapat hindi ka na nagkaka-ganiyan. Sa tuwing lalapitan ka ba niya ay ginugulo pa rin niya ang isip mo? Kung ganoon pa rin ang epekto ni Kiel sa iyo ay dapat ka nang magtaka. Baka ikaw na lang talaga ang makasasagot niyan? Hindi ba dapat alam mo na kapag ganiyan ang nasa isip ng isang tao ay
