الفصل التاسع والعشرون

1800 Words

المهدي قد شاركوا الضحك ولكن على اساس السخريه وقال _شوفت بقي حاجه تطير العقل يادكتور هشام بعد أن وقف الدكتور هشام عن الضحك وقال لعبدالحليم _ومين قالك أني بضحك سخريه من اللي حصل المهدي اندهش من قوله و رد عليه قال _اومال أي ؟ _انا بضحك لحسن حظك المهدي تعجب وقال _لحسن حظي ازاي ؟ _مش جايز ده القرار الوجيه اللي يكون في صالحك ويخرجك من اللي انت فيه مع مراتك _واي علاقه ده بي ده _فاكر الطلب اللي اولتلك هطلبه منك بس مش دلوقتي _ايوه حتى انت مقولتليس سعتها أي هو الطلب _انا كنت هطلب منك انك تتجوز المهدي اتسعت عينه من الدهشه وبعد مرور نص ساعه في اقناعه أنه هو القرار الوجيه، المهدي في نهايه الحوار اخبر الدكتور أنه سيفكر في هذا الامر ويعيد النظر فيه مجددا، وبعد أن انتهي من جلسته معه و ذهب المهدي بجوار الاوتيل الذي نزل به شوقي المهدي وكان جالس داخل سيارته ومنتظر مجيئ شوقي، المهدي قد استأخره ونظر في ساعته مرارا وتكرارا وبعد مرور لحظات قد اتي شوقي وركب السياره بجواره وظهر عليه الغموض وقال _يلا بينا المهدي عاد النظر إلى ساعته وكان يقول _عمرك ماكنت كده في مواعيدك _اتاخرت عليك تلت ساعه انا فاهم، بس يدوبك عبال ما عرفت ازوغ المهدي نظر إليه بدهشه وقال _تزوغ ؟ تزوغ ليه ؟ ومن مين ؟ _اصل انا خرجت من غير ما بتوع الاوتيل ياخدوا بالهم مني _وده ليه يعني ؟ _هتعرف في الوقت المناسب المهدي بدا التوتر ينال منه ولكنه تحرك بالسيارته ووصل إلى اقرب مطعم موجود وقد دخلوا وطلبوا عشاء واثناء تناولهم العشاء شوقي اخبره ببعض التفاصيل التي كانت سبب في عودته إلى مصر وحدثه وقال _اسمع ياسيدي، انت عارف أني مبحبش الاجازات وكل حياتي شغلي وبيتي وبس مش كده _ده صحيح _وأنا مش نازل مصر علشان وحشتني لمتها والجو ده _اومال ؟ _انا اتنصب عليا في شحنه ادويه كبيره وخصرت جزء كبير جدا من ثروتي المهدي انتبه جدا لكلامه وشوقي تابع _لكن قدرت ارجع اللي خصرته بعد معاناه ضاخمه ملهاش اول من اخر، بس فاضل جزء صغير وجيت مصر علشان اجيبه ومحتاجك تساعدني _انت عارف انا رقبتي، ولو تحب اكملك حد انا لكن شوقي سيقاطعوا وسيقول _هو انا اولتلك مش عارف اجيب حقي ؟ انا كل اللي بطلبه منك مساعده بشكل معين ومش عايز منك غير انك تعملها بالطريقه اللي انا عايزها ولا اكتر ولا اقل _انا بقرر تاني وبقولك راقبتي ياشوقي بيه _حلو الكلام ودار الحوار لاكثر من ساعه ونص وبعد أن انتهوا منه قد اخذو موعد اخر للمقابله وقد عاد شوقي إلى الاوتيل بطريقيته المتخفيه ثم عمدا المهدي إلى بيته واثناء وصولوا امام المنزل وبعد أن نزل من سيارته والتفت ونظر نحو الفيلا المقبله لفيلته ونظر اليها للحظات والي هيئتها المظلمه والي جوفها المعتم، ثم تحرك نحوها خطوه تلو الاخري إلى أن وصل امام بابها مباشره وظل ينظر من بين قضبان حديد الباب وهو لا يري شئ بداخلها واخذ ينظر إلى القفل والسلسله الحديد المغلق بها الباب وكان على يقين تام بان هذا القفل مغلق من سنين مضت وقد نال منه شيئا من الغموض وفجأه شعر بيد قد وضعت على كتفيه وإذا به قد التفت ونظر اليها فازعا وقد وجد رجل يرتدي جلباب اسودا وكان على رأسه عمه بيضاء المهدي قال له وهو فازعا _مين ؟ رد هذا الرجل وقال _انت اللي مين وعايز أي ؟ _انا المهندس المهدي ثم شاور على فيلته وقال _ساكن في الفيلا دي وهنا الرجل اعطي له احتراما اكثر وقد رحب به وقال _اهلا وسهلا يابيه اؤمرني في حاجه ضايعه منك ولا حاجه ؟ _انت مين ؟ _انا الغفير تعجب المهدي وقال له _عفير ازاي وعلي أي _انا الغفير على الفيلا دي وقصد الفيلا التي كان يريد أن يستعلم أن هوايته المهدي ولكنه حدثه بقوله قال _غفير ازاي ومن امتا رد عليه الغفير بقوله _من ايمت اكترمن 10سنين _لكن انا اول مره اشوفك ضحك الغفير وقال له _ لو مؤاخذه يابيه يبقي العتب على النظر انا مبتنقلش من هنا وقد اندهش المهدي وقال له _مين اللي قاعد في البيت ده ؟ _يابيه البيت ده مقفول محدش قاعد فيه المهدي تزايدت ضربات قلبه وإذا به قد قال _مقفول ؟ مقفول ازاي _يعني محدش ساكنه من ساعت ما اتبنا، صاحبه كان مقطوع من شجره والحكومه هي الوراثيه الواحيده لاملاكوا وقد نال التوتر والعجب من المهدي وشحب وجهوا واصفر لونه و اخذ يفكر فيما حدث له عندما رأه قوسيم اول مره ثم ثاني مره عندما اصتحبه ودخل معه المنزل، ثم تذكر الرجل العجوز والمرأه العجوزه الذي رأهم وهم خارجين ولما سئلهم عن الطفل قالوا أن ابناءهم خارج مصر وظل يفكر في تلك التفاصيل للحظات وقد عرق وجه ولاحظ الغفير صمته الذي طال وإذا بالغفير قد حدثه وقال _حضرتك برضو مقولتليش، هو حضرتك ضايع منك حاجه بتدور عليها المهدي رد عليه بمنتهي اللامبالاه وغادر وهو كان يقول له _لا ولا حاجه ولا حاجه وبعد أن غادر المهدي ودخل منزلوا وتحرك الغفير من امام الباب وقد خليا الشارع تمام وإذا بنا أن وانت عزيزي القارئ نحن الآن سويا امام باب البيت المهجور فهي معي لنتحقق من شيئا انظر فوق بالطابق العلوي للبيت وإذا بينا قد وجدنا الطفل قوسيم كان واقفا وينظر من النافذه الموجوده بالطابق العلوي وكان يشاهد المهدي اثناء وقوفه مع الغفير وقد اطلع على الحوار الذي دار بين المهدي و الغفير باكمله ثم بعد لحظات ولي قوسيم ذهره للنافذه واخذ يخطوه داخل البيت وعميت عنا الرؤيه النافذه وبعد.... فهي بنا لنذهب إلى بيت المهدي وبعد أن دخل المهدي منزله وكان باله منشغل وقد عمدا إلى غرفه ابنائه ليطمين عليهم وبعد أن دخل عليهم ووجد ابناؤا مستغرقين في النوم وكان كلا منهما نائم على سرير في هدوء وظل واقفا بينهم للحظات ثم خرج واغلق الباب خلفه ثم ذهب إلى غرفه نومه وقد وجد چومانا زوجته نائمه على سريره ونظر اليها وهي مستغرقه في النوم وظل ينظر اليها للحظات ثم هيئ نفسه للنوم وفي اليوم التالي ذهب إلى عمله كعادته وبعد أن دخل مكتبه وجد سوزان قد لاحقته وقد رحب بيها وجلست وجلس معه بالمكتب، وسوزان ظهر عليها الاسف والندم قد حدثته وقال _انا جايا علشان اعتذرلك على اللي حصل، انا يمكن باخود على الناس بسرعه لاني بتعامل بطبيعتي مبعرفش اخبي حاجه المهدي ابتسم له وسكت واكملت سوزان حديثها وقالت _لو تفتكر في اول المره من المرات اللي اتقابلنا فيها و اولتلك أن مشكلتي أني باخود على الناس بسرعه، انا متاسفه جدا واوعدك مش هيحصل حاجه زي دي مني تاني وكفايه اوي اللي حصل ويمكن دي اخر مره تشوفني فيها هي انهارده المهدي قرر ابتسامته مجددا وقال لها بهدوء _ومين قلك أني مضايق منك سوزان نظرت إليه وعينيها تغمرها بالفضول وقالت _اومال أي ؟ رد المهدي والابتسامه مرسومه على وجهوا وقال _يعني انا اللي متأسف على اللي حصل مني امبارح، وأنا اللي غلطان وحتي لو انا مكنتش متقبل كلامك المفروض أن فيه طريقه غير اللي اتعاملت بيها معاكي، فانا بعتذرلك واتمني تقبلي اعتذاري _العفوه يابشمهندس واكمل المهدي وقال وهو مبتسما _ولو على الموضوع اللي فتحتيني فيه، فانا فكر فيه كويس ومعنديش أي مانع من حيث المبدا، بس فيه شويه عواقب هتقابلنا لازم نتجاوزها سوا وبثبت الفرحه في قلب سوزان وقالت باندفاع _بجد الكلام ده _ايوه وبعد أن انتهوا من القعده وقد ذهب المهدي إلى موعده مع شوقي وهم موجودين داخل سياره المهدي كلا من شوقي والمهدي امام مطعم ما وشوقي اخبره بتفاصيل لم يكن أن يتخيلها عن شوقي على الاطلاق وقال له _احنا جايين نقابل واحد اسمه بيتر غطاس وده اكبر نصاب في الشرق الاوسط، نصب عليا في كتير واللي كان مصبرني عليه أنه يقدر يضيعني في أي وقت، لانه هو اللي مصمملي سيستم وبرامج الشركه بتعتي بره ده الوحيد اللي لسه مخدتش حقي منه، لاني مينفعش اقل معاه مباشر كده _اشمعنا ؟ _كان لازم اتسند على اللي اقوا منه في النظم والمعلومات، بيتر غطاس مبيأمنش لحد في الدنيا دي كلها، علشان كده جهاز اللاب توب اللي عليه شغلوا كله مبيطلعهوش بره اوضه نومه _والمطلوب؟ _جهاز اللاب توب ده عليه ملفات خاصه بالشركه بتعتي والمطلوب أني اطيرها من على جهازوا بس قبل ما نطيرها ننزلها على الفلاشه دي واخرج من جيبوا فلاشه واعطاها لعبدالحليم والمهدي ضحك سخريه وقال له _وأنا هعمل كده ازاي انت لسه قايل أنه عبقري نظم ومعلومات وده غير أنه شايل اللاب توب جوا اوضه نومه، دانا لو ساحر ومخاوي جن ازرق مش هعرف اعمل اللي بتقول عليه ده شوقي حدثه بمنتهي الجديه وقال _انت مش مركز معايه أو مسمعتنيش كويس، انا لسه قايلك أني كنت صابر عليه لحد ما الاقي الاقوا منه، وده غير أنه بيسحب مراته معاه في كل حته بيروحها، وعن طريق مراته تقدر توصل لاوضه نومها ودي مش هقولك تعملها ازاي المهدي تفاجئ من مايقصده شوقي وقال _انت بتقول أي، أي الكلام اللي بتقوله ده وفتح باب السياره ونزل منها واغلق الباب وسند دهره عليها وشوقي نزل أيضًا وذهب إلى المهدي وقف امامه وقال له بصوت منخفض _ومين قلك انك هتعمل حاجه غلط _اومال عمال تقولي مراته واوضته نومها يعني هعمل أي في اوضه نومها هركبلها الستاير مثلا _اسمعني للاخر، مراته صاحبته كاس، كل اللي عليك هتاخود معاك منوم وهتحطهولها في الكوبايه، وبعد كام دقيقه هتكون بره الفندق ولا من شاف ولا من دري المهدي نظر إلى شوقي وفكر فيما قاله وشوقي امسكوا من مرفقه وقال له _اركب، يله اركب العربيه وركب المهدي السياره مجددا وذهب شوقي وركب بجواره أيضًا ثم اخرج من جيبه فلاشه اخري وقام باعطائها لعبدالحليم وقال له _دي فلاشه تاني، هتفقلك أي شفره أو أي باسورد اينكانت على الكمبيوتر، أي حاجه تخطر على بالك ومتخطرش على بالك اوكيه، وبعد ما تخلص المطلوب منك واخرج فلاشه اخري من جيبه واعطاها له وقال _وهتحط الفلاشه دي اخر حاجه وهتعمل ولكن المهدي قاطعوا ومزح بسخريه وقال _ودي هعمل بيها أي كمان انزلك عليها افلام ديزيني وال**ب ميكي ماوس ولكن شوقي تجاهل مزح المهدي تماما واعتبره أنه مزح سخيف و غير مرغوب فيه واكمل قوله وقال _الفلاشه دي بتحمل اقوا انواع الفيروسات في العالم بمجرد انك تفتحها على الكمبيوتر كل الداتا اللي عليها ادمرت، وبكده انت بقيت ملم بكل التفاصيل عندك أي استفسار عن أي حاجه ؟ ثم لم يعطي له فرصه الرد ولاحق كلماته وقال _الا صحيح انت معاك سلاح ؟ دهش المهدي وقال _سلاح ليه _لو معاك سلاح سيبوا في العربيه وهتلاقي طبنجه في طبلوه العربيه وامبوبه منوم خليهم معاك المهدي قد تعجب مماقاله له شوقي، ونزل شوقي من السياره وانتظر المهدي بجوار السياره، ثم أن المهدي فتح طبلوه السياره وقد وجد فيه السلاح والمنوم الذي قال عليهم شوقي ولكن نطق المهدي وقال _ينهر اسود ثم اخذهم وضع السلاح بجانبوا والمنوم في جيبه ونزل من السياره ومشي بصحبه شوقي وهو في غايه التوتر، ودخلوا المطعم وجلسوا وبعد مرور دقائق من جلوسهم شوقي لاحظ على المهدي التوتر والتفاته الكثير يمينا ويسارا وقال له _اهدا شويه هتكشفنا، واخلع التوتر ده من عليك بقي ثم بعد لحظه شوقي قد لاحظ قدوم من ينتظرهم ونظر إلى المهدي وقال _اهوم وصلوا وقد أتي بيتر غطاس وهو رجل في سن الستون عام وايطالي الجنسيه قصير القامه شعره اصفر، وقد اتي بصحبه امرأته وهي قصيره القامه أيضًا وتميل اكثر للسمنه وايطاليه الجنسيه أيضًا ولكن كلاهما يتحدثون اللغه العربيه بفساحه وبعد أن اتوا وقام شوقي و رحب بيهم وابتسم وصافح بيتر وقال _اهلا اهلا بالخواجه اتفضل ثم قدم له المهدي باسم مزيف وقال _صديقي وشريكي رؤؤف بيه العطار بيتر قد صافح المهدي وقال _اهلا رؤؤف بيه _اهلا وسهلا بحضرتك شوقي قد صافح مريانه أيضًا وقال لها _اهلا سينوريتا

Free reading for new users

Scan code to download app

App Store Google Play

Facebookexpand_more