Nang mawala na sa paningin ko si Sir Brent at Precilla ay sinadya kong malakas na tumikhim upang basagin ang katahimikang bumalot sa'min ni Zaynn.
Pasimpleng pag-alis na rin iyon ng bara sa lalamuna ko upang magawa kong magsalita.
"U-umalis na siya," makahulugan kong sabi na ang tinutukoy ay si Precilla. "Siguro naman ay titigilan ka na niya," dugtong ko pa.
Nang mag-angat ako ng tingin ay naabutan kong nakatingin din sa'kin si Zaynn. Aligaga tuloy akong nag-iwas ng tingin at kunwari ay abala sa pagmamasid-masid sa paligid namin kahit na wala namang interesting tingnan.
Nanigas pa ako nang magpakawala nang mahinang tawa si Zaynn. Pakiramdam ko ay may ideya siya kung anong ginagawa ko at bakit ako biglang natataranta sa isang tingin niya lang.
"Sana nga," maya-maya ay himig ng pagkaali
