9.
Agad akong nagsalin sa baso ko ng alak matapos kong tumalikod para hindi makita ni Nicholas. Hindi ko alam pero kumakalabog ang dibdib ko dahil sa alaalang parang bahang sinakop muli ang isip ko. Mariin akong pumikit pagkatapos tunggain ang laman ng baso ko at muling magsalin.
"Bakit ba kasi ako lang ang naiwan dito," bulong ko sa sarili habang pilit na tinatago ang mukha ko sa nakalugay kong buhok.
Sa pangalawa kong paglagok ng laman ng baso ko ay bahagya kong sinulyapan ang gawi ni Nicholas, nakababa na siya kasama ang mga kaibigan niya at boyfriend ni Zy na nakakapit ngayon sa lalaki.
Napaawang ang bibig ko at doon lang nag-sink-in sa akin kung bakit tila may hinahanap si Nicholas habang pababa siya sa hagdanan.
Sht! Hindi naman siguro sinabi ni Zy na nandito ako 'di ba? Pero ka
