First Person POV
Nag-umpisa ang kwentuhan at nangunguna ang dalawa naming kasama, habang tahimik pa rin kami ni Kyo. Sumasali lang ako kapag nakakatawa ang usapan o ako ang tinatanong. Napansin ko lang na medyo marami na akong naiinom nang makaramdam ako ng init at parang nahihilo na ako, hindi na ako nagprotesta pa nang isinandig na ako ni Kyo sa katawan nito. Pumikit na lang ako para maibsan ang nararamdaman ko.
Naramdaman ko nang hilahin nito pababa ang suot ko na tumataas.
Pumalatak ito. "May suot ka bang shorts o cycling?" rinig kong bulong nito na parang naiirita.
Hindi na ako dumilat at tumango na lang.
"Iuuwi ko na 'to, Zan. May tama na 'to," narinig kong paalam ni Kyo kapagkwan.
"Malamang. Apurahin ba naman ang pagtungga ng alak, e," rinig ko namang sagot ng pinsan ko.
Humi
