Continuation...
ZIAH's POV:
SA pag-alis ni Raven ay hindi ko tuloy maibuka ang aking bibig. Pakiramdam ko ay kami ni tatay ang siyang bubuhusan ni Mayor nang kanyang galit.
Ngayon ko lang nakita ang pagtatampo ni Raven sa ama niya. Nakakalungkot lang isipin na lahat nang ito ay dahil mismo sa pagpoprotekta niya sa akin laban kay Calix.
Etong lalaki kasi ang punot-dulo ng lahat. Kung sana ay umalis na siya ng bayan, hindi aabot sa ganito ang relasyon ng mag-ama. Parang sinisira niya tuloy ang pamilya ni Raven.
"Mayor, hindi naman sa kinakampihan ko ang anak niyo pero siguro mas mabuti kung uunawain mo rin sana ang paliwanag ng binata," sambit ni tatay na siyang kumausap kay Mayor.
"Mang Fredo, matagal ka rin na naging parte ng pamilya namin dahil nakasama ka na namin, at noon pa man a
