CHAPTER 42
ZIAH's POV:
"Ayan na nga ba ang sinasabi ko sa'yo anak. Hindi ka na dapat sumasabay pa sa mga gano'ng proyekto. Masyadong maselan ang balat mo," saad ni nanay habang kumukuha siya ng maligamgam na tubig na ihahaplos niya sa aking braso para maibsan ang pangangati.
Kasama ko pa rin si Calix at hindi siya lumayo sa tabi ko. Samantalang si Raven naman ay hindi sumunod sa amin kaya nagtataka ako kung bakit parang wala lang sa kanya ang nangyari sa akin. Siguro napagtanto niya yung mga sinabi ko kaya kinalma nito ang kanyang sarili at pinili na lamang na huwag sumama.
"Nay, nagkataon lang yata. Hindi ko naman alam na kakatihin ako sa mga basurang pinulot ko... I just want to help tatay. Para na rin may pandagdag tayo sa gastusin," sambit ko kay Inay para hindi niya na ako sermona
