مكان مظلم اشبه بالصحراء

926 Words

في مكان ضلمة أشبه بصحراء اللي ملهاش نهاية ، كنت مش قادرة اتنفس وانا بجري وابني في حضني بيصرخ من الرعب، وهي لسة ورايا بشكلها المرعب عايزة تلحقني ، واول مااطمن أنها بعدت اتفاجأ بها قدامي ، بتلحقني بإصرار عجيب ونظرتها وتركيزها كانت علي ابني ، وبتتكلم بصوت غليظ مرعب وبتقولي هاخده منك ده ابني أنا، ومش هسيبه ليكي ولازم اخده ، حضنت ابني بقوة وانا بعيط وبقولها ابعدي عني ورفعت عيني للسما وانا بدعي ربنا وبقول يارب ابعد عني شر الانس والجن انك انت المانع القادر ، و فجاة اسمع صوت اذان الفجر اللي كانه طاقة النور اللي **رت العتمة وانهت كل شيء مريت به وكأن شيء لم يكن وشوفتها وهي بتتبخر قدامي وصوتها لسة بيرن في وداني وبتقولي متفرحيش هرجعلك تاني ، هرجعلك تاني، فتحت عيني لقيت نفسي علي سريري وأحمد ابني في حضني، حمدت ربنا وشكرته أنه طلع كابوس المرة ده كمان ، مديت ايدي اجيب كوباية الماية اللي جنبي عشان اشرب وابل ريقي من الرعب اللي شوفته ، بس فجأة ايدي ارتعشت بكوباية الماية ودمي بدأ يتجمد في عروقي وده لما شوفت اوكرة الباب بتتحرك واول ما شفته صرخت ، أنا سما سني حاليا 30 سنة متجوزة من سبع سنين جوزي الشيخ محمد، حكايتي بدأت من اول مااتعرفت علي جوزي وده لما كنا في فرح بنت خالتي كنت برقص واغاني زي اي بنت في سني، كنت مرحة وفرفوشة ومكنتش شايله لدنيا هم، اصل هشيل هم ليه ، مادام كل طلباتي مجابة ، اصل انا وحيدة ماما وبابا ، زي ماتقولوا كدا الدلوعة اللي مافيش غيري وكل اوامرها تنفذ، جوازي كان جواز صالونات ، مهيتاب اخته شاف*ني في فرح بنت خالتي هي كانت مرات اخو عريس بنت خالتي، قربت مني واتعرفت عليا بطريقتها الظريفة ، وفضلت طول الفرح وهي عينها عليا ومتابعة كل تحركاتي، وشوفتها بتستقبل شاب وبتسلم عليه وبتبوسه فهمت أنه حد قريب منها، قولت كويس اهي هتنشغل عني متابعتي وملحقاتها ليه شوية ، واندمجت مع العروسة واصحابنا ، بس مافتش وقت كتير وشوفتها بتقرب مني وبتقولي تعالي نقعد شوية بعيد عن الدوشة عايزاكي في كلمتين ، استغربت لاني مافيش مايدعي أنه يكون بينا حوار من الاساس، بس قعدت معاه واتفاجات ، لما لاقيتها بتسالني ، وبتقولي انتي مرتبطة ، قولتها مش شايفة اني مافيش بينا اللي يد*كي الحق انك تساليني سؤال زي ده ،قالتلي بصراحة ومن غير لاف ولا دوران أنا جايبالك عريس ، ضحكت قوي وقولتلها عريس ليه شايفاني عانس وماشية ادلل علي نفسي ، قالتلي لا والله كل الحكاية اني استريحتلك كدا اكمنك دمك خفيف وظريفة فقولت أسألك لو مش مرتبطة اجوزك ، الشيخ محمد اخويا، هو نزل إجازة من السعودية وقالي اني ادور له على واحدة بنت ناس، قبل مايرجع تاني ، قولتها بتعجب شيخ ضحكت وقالت مالك يا بنتي اتفزعتي كدا ليه ، قولتها اصلك بتقولي شيخ يعني كبير في السن واكيد له مواصفات معينه وانا حتي مش مجحبة ، قالتلي لا ياسيتي متخافيش ده لسة شاب مجابشي ال30 سنة يعني يدوب بينكم كام سنة كدا وبعدين هو مش متزمت وموضوع الحجاب ده ديما يقولي لازم يكون علي اقتناع مش مسألة زي وبس ده حاجة نابعة من القلب ، والموضوع ده انتوا ابقوا اتنقشو فيه، بصي ياسيتي هو بيشتغل مدرس فقه وعلوم القران في السعوديه عشان كدا بيقوله عليه شيخ، وراحت فاتحة الموبايل وقالتلي شوفي ده صورته ، شوفته شاب بدقن خفيفة ووسيم لدرجة مش عادية، وبشوش ، وعرفت أنه هو الشاب اللي سالم عليها من شوية ، بس استغربت أن واحد بالمواصفات ده ليه ما مش هو اللي يختار شريكة حياته بنفسه ، ويخلي إخوته هي اللي تدور له علي عروسة، سرحت شوية في صورته وجماله اللي بجد يسحر اي عين مجرد انها تبصله قولت اكيد في سبب يمكن معندوش شقة أو حالته المادية متسمحش بتكليف الجواز المبالغ فيها في مصر ، وبيدور علي اي واحدة ترضي تسافر معاه وتتنقل من بلد لي بلد، قطع شرودي خبطة رقيقة علي كتفي واخته بتقولي ها قولتلي اية، قولتها طب وهو مايدورش على شريكة حياته بنفسه ليه، قالتلي محمد خجول جدا ومالوش في حوارات الشباب بتوع اليومين دول، لا يعرف يكرش ولا يصاحب ، هو عايز بنت حلال تكون مؤدبة وعلي خلق وترضي تسافر معاه، وهتكون ليها شقتها الخاصة بعفشة هنا عشان لما ينزلوا إجازة ينزلوا فيها، مش يتشحطاتوا في الاوتيلات واللوكاندات ، قولتها عموما سيبني افكر و اخذ راي بابا وماما وابقي ارد عليكى ، قالتلي خلاص سيفي رقمي عندك ولو وافقتي علي المبدأ هتصل بيكي ونحدد معاد نتقابل فيه كلنا ونتعرف علي بعض، وسابتني ومشيت وانا كملت الفرح وكل شوية ابص عليه وهو قاعد مكانه وفعلا واضح عليه أنه خجول ومش بياخد علي الناس بسرعة، عدي الوقت وخلص الفرح ، وروحت البيت و اخدت شور ودخلت انام وانا علي وشي ابتسامة غريبة ، سالت نفسي وانا ببص في المرايا مالك يابت منشكحة قوي كدا ليه، هو الشيخ محمد عجبك ولا اية ، بس ماما دخلت عليا وقالتلي ، اتاخرتي كدا ليه يابنتي ، قولتها مش علي ما آلفرح خلص وكدا ياماما ، ابتسمت وقالت عقبالك يابنتي لما اشوفك عروسة مع واحد ابن حلال قولتها اية ياسيتي زهقتي مني ولا اية تكونيش عايزة تخلصي مني وتستفردي بالحج وتعيدوا امجاد زمان ولا اية ، دخل بابا وهو بيضحك وبيقولي عيب يابنت ، احنا هيفضل حبنا مستمر للآخر العمر، مش محتاجين نخلص منك عشان نعيد امجاد ولا حاجة ، ضحكت وانا بحضنه وبقوله ربنا يخليكم لبعض ، عموما بمناسبة انكم عايزين تخلصوا مني وكدا ، في شخص عايز يتعرف عليكم ويطلب ايدي منكم ، وقولت لبابا علي كل التفاصيل، وبعد كام يوم اتصلت عليا مهيتاب وحددت معاد نتقابل فيه، وفعلا تمت المقابلة وبرغم أن بابا وماما كانوا معترضين علي موضوع السفر ، الا انهم اترجعوا لما شافوا محمد وأخلاقه ، وتم الجواز بسرعة وانا كنت مرحبة جدا محمد شخص ممتاز ، بس مكنتش اعرف اللي هيحصلي بس كله بقدر الله،

Free reading for new users

Scan code to download app

App Store Google Play

Facebookexpand_more