"I'm here to obey my promises for you. I'm here because I'm choosing you."
Paulit-ulit pa rin na nagpi-play sa pandinig ko ang mga salitang `yan ni Mike kahit na ilang linggo na ang nakakaraan simula nung sinabi niya sa `kin 'yun.
Hindi ba dapat masaya ako? Hindi ba dapat masaya ako ngayon kasi ako daw ang pinili niya? Pero bakit parang nawalan ako ng napaka-importanteng tao sa buhay ko? Bakit pakiramdam ko, wala pa rin siya sa `kin?
Naalala ko no'ng gabing 'yon. Masayang-masaya ako nang binanggit ni Mike sa `kin na ako daw ang pinili niya. Ngiting-ngiti ako. Hanggang sa kumalas siya sa yakap. Doon nawala ang ngiti ko, dahil nakita ko ang sobrang lungkot na mukha niya. Nakita ko sa mga mata niya na nasaktan siya ng sobra-sobra sa desisyon niya. Do'n ko unang naramdaman na, tama pala tal
