"Sanay ako sa isyu at alam kong gano'n ka rin. Wala ng bago doon. Makikipagkita nga pala ako mamaya kay Sir Rozen."
Si Sir Rozen ang isa sa magaling na music producer at composer. Madalas ay sila ni Direct. Hannah ang magkatrabaho.
"For?"
"Eh hindi ba sabi mo ay kailangan na namin ulit maglabas ng bagong music ni Wendy? Kinukuyog ka kamo ng mga fan namin?"
"Kamo? Totoo ang sinabi kong iyon, Grantt 'tsaka valid naman ang rason nila. Huwag puro cover ang gawin ninyo. Maglabas kayo ng bagong kanta."
"Oo na nga po. Sasamahan mo ako mamaya."
Sumang-ayon na lang ako at naghila ng isang upuan. Visual pa lang ng kanyang mga niluto ay mukhang masarap na.
Pareho kaming tahimik habang kumakain. Pagkatapos ay siya rin ang nagligpit ng kalat sa kusina at ako naman ang naghugas ng pinagkainan n
