Hindi na sana iyon papansinin ni Vladimir dahil nagmamadali siya. Kailangan na niya kasi ang pera upang mayroon na silang pambayad sa ospital kung nasaan ngayon si Mang Esteban. Pero nakaamoy si Vladimir ng tao, hindi lang isa kundi tatlo ang palihim na sumusunod sa kanya. Hindi na lang rin nagpahalata si Vlad na alam niyang siya ay sinusundan kaya naman nagpatuloy siya sa kanyang paglalakad hanggang sa nakarating siya sa pamilihan. Nang makarating siya doon ay dumiretso siya kung saan siya unang nagpapalit ng kanyang ginto.
"Natatandaan kita hijo, ikaw yung nagpapalit rin sa akin ng madaming ginto para sa salapi. Aba, mas marami ang ngayon ah," sabi ng hindi naman katandaan na lalake siya kasi ang may-ari ng papalitan ng mga ginto para sa salapi.
"Kailangan lang po para sa bayarin sa os
