Hindi kaagad nakasagot si Vladimir sa tanong sa kanya ni Katherine. Hindi niya rin alam kung bakit nasa harap ng tinutuluyan niya ang dalaga.
"Vlad?" muli ay binanggit ni Katherine ang kanyang ngalan kaya naman bahagya siyang bumalik sa kanyang wisyo.
"W-wala ito," tipid na sagot ni Vladimir sa kanya ngunit nahahalata naman sa mukha ni Katherine na hindi siya kumbisido sa isinagot sa kanya ni Vladimir. Hindi naman alam niya alam kung ano pa ang pwede niyang idahilan kung sakali na magtanong pa sa kanya si Katherine ngunit napatingin naman ito sa karga niyang kuneho.
"Teka, ang dugo ba na iyan ay galing sa kuneho? Anong nangyari sa kanya?" nakita kasi ni Katherine na ang buhat-buhat ni Vladimir na kuneho ay may malaking sugat.
"Tama ka, iniligtas ko lang ang kuneho dahil naaawa ako sa k
