MABILIS na hinawakan ni Luke ang bawat hayop na umatake sa kanya mula sa iba’t ibang direksyon. Gamit nga ang kanyang abilidad ay hindi na niya binigyan ng pagkakataon ang mga itong matamaan siya. Ginamit niya ang usok na dulot ng singaw na nagmumula sa kanyang katawan upang hindi siya makita ng mga ito. Kasabay rin noon ay ang mabilis niyang pagtakbo at isang taong-tigre ang nakasalubong niya bigla, na mabilis din niyang tinalunan at pagkatapos ay binigyan niya ito ng isang nag-iinit at umuusok na suntok.
“Hindi ako dapat magpatalo sa mga ito!” sabi ni Luke sa sarili nang lumapag siya sa lupa at dito’y naramdaman niya ang paghawan ng kanyang mga usok dahil sa mga ibon na lumilipad sa kanyang itaas. Gamit ang mga pakpak ng mga ito, isang malakas na hangin ang kanilang pinakawalan upang
