MAGANANG kumain si Beazt nang siya ay dalhan ng pagkain ng isa sa mga staff sa faculty building ng pagkain. Hindi siya nagdalawang-isip na kainin ang inihaw na malaking tipak ng karne na sinamahan ng mainit na kanin. Kasama rin nito ay ang mga sariwang prutas na tila kakakuha lamang sa puno nito.
Pinapanood naman si Beazt ng isa sa Purif 8 nang mga sandaling iyon. Makikita sa likod nito ang nakasukbit niyang espada at masasabing isa rin sa magagandang estudyante sa paaralang ito. Kapansin-pansin ang maganda at mahaba nitong buhok na ipinupusod niya nang mga oras na iyon. Si Siri rin ang sinasabing pinakamaganda sa paaralan subalit ni isang lalaki ay hindi binalak na lapitan ito.
Kilala si Siri sa pagiging seryoso at malamig sa pakikitungo sa mga lalaking estudyante sa paaralan. Sa
