MABILIS na bumalik sa paaralan sina Beazt at Speed na kasama rin ang apat pa nilang kasamahan sa Demons Organization. Dito na nga bumungad sa kanila ang burado nang Normal Area, kasama na rin sa kanilang nakita ay ang pagkakadamay ng mga nakatayong mga bahay sa labas ng paaralan. Nakita rin nila ang mga sunog mula sa iba’t ibang parte ng kanilang pinapasukan. Napatingala rin sina Beazt sa itaas nang mapansin nila ang kadiliman ng paligid. Nakita nga nila ang madilim na kalangitan dahil nababalot nito ang halos kabuuan ng nakikita ng mga mata nila.
Wala silang ideya sa kung ano ba ang nangyari o sa kung bakit naging ganito na ang sitwasyon ng paligid. Pero nang makita nila ang mga higanteng nasa iba’t ibang parte ng paaralan na kasalukuyang naninira at inaatake ang sinumang humahadlang
