NEZZIE JANE
Napasigaw na lamang ako nang maramdaman kong bumunggo na ako sa kasalubong ko. At sa lakas niyon ay halos matumba na ako. Napapikit na lamang ako ng mga mata at hinintay na bumagsak dahil do'n. Mabuti na lamang at naging maagap ang naging kabanggaan ko. Mabilis niya akong nasalo kung hindi pupulutin talaga ako sa lupa 'pag nagkataon.
Nang maramdaman kong may mga bisig na sumalo sa akin ay agad akong nagdilat ng mga mata ko. At ganoon na lamang ang gulat ko nang magsalubong ang mga mata namin at makilala ito. Walang iba kundi si Ivan. Nagkatitigan pa kaming dalawa pero agad din akong nag-iwas. Inalalayan niya akong tumayo para makabawi.
"Anong ginagawa mo rito sa labas?" tanong ni Ivan sa akin nang makilala niya rin ako.
"Mamaya ko na ipapaliwanag sa 'yo," sagot ko. "Tara n
