NEZZIE JANE
TWO WEEKS LATER
Nagising ang diwa ko dahil sa tunog na naririnig ko. Hindi ko alam kung alarm ba ni Wookie iyon na pampagising nito o ano. Para kasing nagri-ring iyon. Hindi ko sigurado kung tawag ba iyon mula sa cell phone nito. Halos nakapikit pa ako at inaantok. Agad kong hinagilap ang cell phone ko para tignan at mag-check ng oras. Nanlaki ang mata ko nang makita kong alas nuebe na ng umaga. Late na si Wookie sa trabaho nito. Agad akong bumaling sa katabi ko na mukhang tulog pa rin at hindi alintana ang kanina pang tumutunog. Halos naghihilik pa ito. Nadako ang tingin ko sa cell phone nitong nakapatong sa may side table. Iyon nga ang tumutunog at hindi pa rin tumitigil sa pag-ring. Mukhang importante yata ang tawag kaya hindi iyon tumitigil.
Pero hindi ko iyon inintindi
