Carlos POV
Maalinsangan ang gabi at tanging ang sinag ng Buwan ang nagbibigay ng liwanag sa madilim na gabi.
Halos kalahatig oras na rin ang nilakbay nila galing sa bahay ni Albert. Tatlong oras ang lalakbayin nila bago makarating sa pinagtataguan ni Samantha sa Pulang Bundok na parte pa ng kabundukan ng Canlaon City. Mapanganib ang naturang bundok dahil isa rin ito sa pugad ng mga rebelde.
“Magaling talagang pumili ng pagtataguan si Samantha,” komento ni Arnold.
Sumang-ayon nnaman ang iba nilang kasama. Kanina pang nauna si Dixon sa nasabing bundok, at ang mga tauhan naman ni Don Alejandro ay nasa iba’t ibang bahagi ng bundok nakaabang sa puwedeng lusutan ng grupo ni Samantha.
“Leon is here,” imporma ni Dixon. Napatigil sa paglalakad si Carlos nang narinig ang sinabi ni Dixon.
