الحلقه ١٣ من كفاح عاشق

2433 Words

الحلقه ١٣ من كفاح عاشق من جميل الدعاء : ‏اللهُم إنّي اسألك أن تريح قلبي، وأن تصرف عني شتات العقل، والتفكير، ربي إن في قلبي أشياء كثيره، لا يعلمها الا أنت فحققها لي يارحيم، يارب فرحه تغّير مجرى حياتي، وخبر جميل أعجز عن شكرك عليه، ربي إرزقني فرحه تجدد الروح في حياتي ، اللهُم سَعادات متتالية لم تكُن بالحُسبان .? بسم الله الرحمن الرحيم أكرم رجع بيته،، ودخل اوضته اتوضي وصلي،، ولسه بيسلم كان صبحي واقف على الباب صبحي (والد أكرم) : حرما يا حبيبي،، ايه يابني اتأخرت ليه كده أكرم قام وباس ايد والده: جمعا يا حاج ان شاء الله،، معلش يابابا، كنت مع أمير وعمر صبحي بقلق: ليه يابني هو فيه حاجه، أكرم ابتسم: متقلقش كده يا حاج،. ده عيد ميلاد عمر كان انهارده فكنا بنفرحه،، وكان معانا نور وتقى كمان صبحي ابتسم بحب: ربنا يسعد قلوبكوا ياولاد،، عمر ابن حلال ويستاهل كل خير، أكرم بمشا**ه : وانا ماليش دعوه حلوه ولا ايه يا حاج صبحي،، صبحي طبطب عليه: يابني انا ل**ني مش بيبطل دعا ليك يا أكرم، ربنا يفرحني بيك، ويرزقك اللي بتتمناه يا حبيبي، أكرم بلهفه: ايوه،. ركز على الدعوه دي يا حاج،. ربنا يرزقني اللي بتمناه صبحي بضحك: طب متعرفني يابني بتتمنى ايه، عشان ادعي بضمير هههه اكرم بسرحان: لا يا حاج، انا بتمنى حاجات كتير قوي، ادعي انت بس، وربنا هيتقبل،. صبحي ابتسم: يارب يا حبيبي،، بس تعالي هنا قولي، انت مش خلاص اتعينت في شركة كويسه،، وربنا رزقك بشغلانه كبيره،. مش ناوي تفرح قلبي، وتتجوز ولا ايه اكرم: يا بابا اصبر بس اظبط اموري، واعمل شقه كويسه،، اكيد اللي هتجوزها دي، هترفض تيجي تعيش هنا،، صبحي بزعل : واكيد ليه يابني، هيا الشقه َوحشه لا سمح الله، ولا عشان انا موجود فيها،، انا عارف اني حِمل تقيل عليك،. بس غصب عني، ومحدش عارف عمره هيخلص امتى، أكرم جري على والده ومسك ايده وباسها، وباس راسه: بعد الشر عنك يا حاج، انا والله مقصدتش، وبعدين انا لو حتى نقلت ف*جلي على رجلك،، انا عمري ما اسيبك ابدا، انت كل عيلتي،، اوعي تزعل مني يابابا،، والله مقصد اللي في دماغك ده ابدا،، صبحي؛ ربنا يرضى عليك يابني، ويسعدك،، خلاص يا حبيبي،. بس هرجع واقولك، متحملش نفسك فوق طاقتك، وبعدين بنات الحاره كلهم ولاد ناس طيبين، وبيرضوا بالقليل،، اختارلك واحده منهم، وانت الف واحده تتمناك،، وأن شاء الله ربنا هيباركلك فيها،، أكرم اتن*د بوجع وقال: حاضر يا بابا،، ان شاء الله لما أنوي هقولك،، صبحي؛ ماشي يابني،، ربنا يصلحلك الحال،، تصبح على خير يا حبيبي اكرم: وانت من اهله يابابا،، وخرج صبحي،. لكن رجع بص لاكرم تاني وسأله صبحي:واد يا أكرم،، ايه رايك في تقى ونور اخوات عمر الصاوى،، ادب وأخلاق وجمال،، ويتاقلوا بالدهب،، أكرم قلبه دق بسرعه واتلخبط في الرد، وده اكد لصبحي ان ابنه حاطط عينه على حد فيهم،. صبحي ابتسم بفرحه،. وبص لاكرم ومشي،، وأكرم اتن*د بارتياح وابتسم، ونام على السرير وسرح في صورة تقى اللي مبتفارقش خياله،، ----------- بقلم شيمو الخطيب عند عمر عمر بيكلم نغم، وبيقول :نغم،،،، انا خايف تضيعي مني نغم ودمعه نزلت منها لكن حاولت تداري: ليه بتقول كده ياعمر،، انا عمري متخلي عنك ابدا،، عمر اتن*د بوجع: عارفه يانغم، انا عمري متعلقت بحد بالشكل ده،، ولا اتخ*فت كده ابدا،، حاسس انك بتسرقيني من نفسي وللأسف مش قادر اسيطر على ده،، ليه يانغم،، ليه خلتيني احبك،، نغم بخنقه: ايه ياعمر انت ندمان انك حبتني،، وليه نبرة الاحباط اللي في صوتك دي،، عمر: انا مش ندمان ولا عمري اندم يا نغم، بس الظروف ضدي في كل حاجه، تفتكري والدك هيقبلني، عيلتك هتقبلني، انا حبيتك وانا عارف اني هدخل في حرب كبيره قوي، وعندي استعداد ليها، بس خايف اخسرك،، صدقيني مش هقدر اتحمل الاحساس ده ابدا نغم حاولت تلطف الموقف وقالت وهيا بتحاول تمثل انها عادي: جرا ايه ياعمر، مكنتش اعرف انك كئيب كده، انت وصلت اننا خسرنا بعض كمان،، سيبها لله ياعمر وان شاء الله هتعدي، بس سيبك انت، برغم ان كلامك بيوجع قوي، بس فرحني قوي عمر: باستغراب،، فرحك،، وايه اللي فرحك فيه نغم: فرحني انه اكدلي اني اخترت الإنسان الصح، الإنسان اللي ممكن يحارب الكون كله عشاني،، اللي حبني من قلبه بدون حتى ما يفكر في العواقب،، عمر: بس انا خايف عليكي يا نغم، خايف متستحمليش العيشه معايا، اوقات كتير الحب عمره ما بيكون كافي انه يسعد قلبين،، ودايما الحياه بيبقى ليها حسابات كتير احنا مش حاسبينها صح نغم حست بخنقه في قلبها وقالت : بالله عليك ياعمر، بلاش العقل الزياده عن اللزوم ده، انت لسه معترف ليا بحبك انهارده، سيبني افرح عشان خاطري،، عمر اتن*د وسكت...... نغم: سكت ليه،، ولا انت لازم تتكلم كلام يخنقني يا عمر عمر : لا يا نغم،، انا مش هتكلم كلام يخنقك، انا عايز ابدأ معاكي علي نور واحنا في أول الطريق نغم بهمس: وتفتكر اننا لسه في أول الطريق ياعمر،، انا عن نفسي وصلت لأقصى درجات حبك، ومعنديش استعداد ارجع عمر اتن*د: انتي ليه بتصعبيها عليا يانغم، انا فعلا مش هتحمل بعدك، وهفضل طول ما انتي في بيت والدك، خايف،، خايف اخسرك،، لاني بعشقك، مش بحبك بس، انتي بالنسبالي الأمان، انتي بالنسبالي الحضن اللي اتحرمت منه و اللي لما ببقى مخنوق اترمي فيه وارتاح، انتي بالنسبالي السَكِينه،، انتي اللي بتكملي كل حاجه ناقصه فيا يا نغم،، عايزه بعد كل ده ومخافش،، نغم مبتسمه من كل كلامه، وحاسه انها طايره، وقالت بهمس وعشق: انا بعشقك يا عمر،، عمر ابتسم وقلبه دق بسرعه وسكت،، نغم : عمر،، بجد بحبك قوي،، وعمري مهبقي لغيرك،، صدقني يا عمر،، انا واثقه في ربنا انه ان شاء الله مش هيخذلنا،، عمر : ان شاء الله ياحبيبتي،، بس عايز اقولك حاجه قبل ما اقفل،، ياريت متكدبيش عليا تاني، وتمثلي انك كويسه،، انا عارف ان حصل حاجه بينك وبين والدك او والدتك، والحاجه دي دايقتك،، بس عايزك تعرفي، اني هحس بيكي وهفهمك من اول حرف بتنطقيه،، نغم مصدومه وساكته خالص،، عمر ابتسم : يلا يا نغم بلاش تتنحي اكتر من كده،، وزي ما قولتلك، انا فعلا بحس بيكي،، سلام يا حياة عمر،، وقفل وهيا لسه مش مستوعبه انه فعلا حس بيها،، وحضنت الفون وباسته ونامت وهيا في قمة سعادتها،، شيمو الخطيب اما عمر،، فنام وهو بيفكر فيها، وبيدعي ربنا يجمعهم مع بعض،، ------------ بقلم شيمو الخطيب عند أمير أمير سرح في كلام والده وانه لازم يكون عقل عمر لما يستخدم قلبه، وخاف على عمر من اللي ممكن يشوفه بعد كده، لكن مش عارف يتصرف ازاي ، لكن بعدها افتكر اعتراف نور ليه بحبها وابتسم واتن*د بارتياح انه خلاص ملك قلب نور،، وغمض عنيه وراح في النوم وكانت صورة نور مبتفارقوش ابدا ايه سرحانه في عمر، وازاي تقدر تخ*ف قلبه، لكن واثقه ان والدتها عمرها متوافق بعمر ابدا لأنها مبتكرهش حد في الدنيا قده هو وأخواته، لكن عمر مسيطر على تفكير ايه ومش عارفه تخرجه من قلبها ابدا ابتسام مش عارفه تنام من بعد ما اتكلمت مع أمير وأكد ليها انه مش هيتجوز غير نور، لكن ابتسام قررت انها عمرها مهتسمح ان ده يحصل ابدا، وفكرت كتير مع نفسها وابتسمت ونامت -------- بقلم شيمو الخطيب في الكافيه فادي قاعد، وجنبه اشرف،، فادي : اسكت يا كبير، اما كانت حتة حفله، إنما ايه،،، بس اللي عايز اعرفه، انت هتعمل ايه، بعد ما بعت الفيديو لابوها،،،. اشرف ابتسم : لا يا حبيبي مش انا اللي هعمل، ابوها اللي هيعمل،، اسعد بيه عمره ماهيوافق بالمهزله اللي بتحصل دي، ده كان يتفضح في عالم رجال الأعمال، انت متخيل بنت اسعد السويفي،، تتجوز نجار،، ههههه، دي فضيحه يابني، فادي : انا مش فاهم ليه الناس اللي زيكو بتفكر بالطريقه دي، ماله النجار يعني، انسان زي بقية البشر اشرف: بصله بخنقه،، انت هتق*فني، وهفضل اتكلم وانت حمار مش هتفهم حاجه،. قوم يلا، انا زهقت منك وعايز اروح فادي بضيق: ما حاضر ياعم انت بس متزقش،، ناس غريبه صحيح،. ومشيو الاتنين من الكافيه واشرف بيتوعد انه ينتقم من عمر، ويخ*ف منه نغم،، ------- بقلم شيمو الخطيب وبعد مرور اسبوع،. مابين كلام في التليفونات، وحب وهزار. والكل مشغول في حياته وشغله،. وطبعا نغم كانت يا دوب تنزل على الاكل وبس، وتطلع بعدها على اوضتها من غير ما تتكلم مع حد، نغم نازله تفطر،، وقعدت على السفره وكان اسعد وجميله قاعدين جميله بصت لاسعد وشجعته يتكلم مع نغم، اسعد: احم،، نغم،، صباح الخير،، نغم من غير ما تبصله: صباح النور يابابي، اسعد: هتفضلي زعلانه كده كتير ولا ايه، ممكن افهم بقالك اسبوع مبتتكلميش معانا ليه نغم بضيق: عادي يابابي، حضرتك اللي مش حابب تسمعني ولا تتكلم معايا، ففضلت اني اسكت لحد محضرتك ترضى عني، اسعد مستغرب ردودها: طب ياستي، وانا خلاص رضيت،. ممكن اعرف عايزه تقولي ايه،. جميله : لا،،. كلام ايه دلوقتي على الفطار،، احنا نفطر ونشرب الشاي، وبعدين نقعد في الجنينه ونسمع نغومتي حبيبتي عايزه تقول ايه اسعد ابتسم: ماشي ياستي، يلا افطري يا نغم ونتكلم بعدين،. وفعلا فطروا،. وطلعوا قعدوا في الجنينه، اسعد: ها يا نغم، عايزه تقولي ايه يا حبيبتي، نغم : اول حاجه عايزه اعرفها،، انت فعلا بتراقبني يابابي، اصل بجد دي هتفرق معايا كتير قوي، اسعد:ضحك؛،، لا طبعا،. عمري ما فكرت اراقبك ابدا يا نغم،، لاني واثق فيكي كويس قوي نغم اتن*دت بارتياح: الحمد لله،، طب ممكن افهم الفيديو وصلك ازاي،، اسعد ضحك: هو للدرجادي اجابتي كانت تفرق معاكي،، على العموم والله انا نفسي معرفش مين اللي بعته، اتصلت على الرقم وللأسف مردش في الأول وبعدين اتقفل، وده معناه انه حد عايز يشمت فينا وخلاص، نغم بنرفزه: بس عمر مش سبب للشماته يابابي، عمر الف بنت تتمنى انه يبصلها بس، كفايه أدبه واحترامه، وتربيته، كفايه رجولته وتحمله المسؤليه من صغره، بجد يابابي، انت لو اتعرفت عليه هيعجبك قوي، في تفكيره، وفي أخلاقه، وفي كل حاجه فيه،، اسعد ساكت وبيسمعها وقال: اممم، طب هو بيشتغل ايه يا نغم،، نغم بتوتر: هه،، اه،. ده عنده ورشة نجاره بتاعته هو اللي بيديرها ، وبعدين الشغلانه مش هيا اللي هتحكم على البني آدم يا بابي،، اسعد : طب ومالك اتوترتي ليه لما سألتك،، اظن لو انتي حاسه ان الشغل مش هو اللي بيحكم على الإنسان، كان زمانك جاوبتي من غير توتر،، نغم بخنقه: لا يابابي، انا مش حاسه،. أنا واثقه، ان الانسان مش بشغله، الإنسان بأخلاقه ورجولته ، الإنسان بتدينه واظن اني قولتلك حديث الرسول صلى الله عليه وسلم قبل كده،، ، انا اللي خلاني اتوتر، هو رد فعل حضرتك، لاني واثقه انه مش هيعجبك كلامي، وانا معنديش اي استعداد اسمع اي اعتراض من اي حد،، لاني واثقه في اختياري لعمر،، وفخوره بيه جدا، ومش هتنازل عنه،، اسعد ابتسم بخنقه: امممم، يعني رأيي ليكي مالوش لازمه،، صح نغم: لا طبعا يابابي مهم،، بس تسمحلي اقولك،. انه مش هيغير حاجه،، انا بحب عمر، وواثقه انه هو ده اللي هيقدر يسعدني، اسعد: من الواضح انه قدر يسيطر على عقلك وتفكيرك وجندهم لحسابه نغم: بابي، عمر مش بالأخلاق دي، عمر أنبل من انه يضحك عليا، بابي، انا قولت لحضرتك اللي عندي، وحضرتك تقدر تفكر براحتك في كلامي،. وتحاول تقتنع بيه،، بعد اذنكوا اسعد بص لجميله، وجميله ساكته ومستغربه بنتها، وحبها الشديد لعمر، ونغم قامت وسابتهم، وهما في حيره، ومش عارفين يقنعوها ازاي تسيب عمر،، --------- بقلم شيمو الخطيب عند عمر، عمر نزل ورشته وبدأ شغله،. وبليه متابع معاه الشغل وبيتعلم منه كتير بليه : عارف يا اسطى عمر،، انت بجد فنان،، انت احيانا وانت سرحان، بتنحت في الخشب بطريقه حلوه قوي، وبتطلع أشكال جميله، وده ممكن ي**بك كتير قوي، بس انت دايما تقولي دي تسليه، تسلية ايه يا اسطى اللي تطلع حاجات بالجمال ده،، عمر ضحك: ههههه، جرا ايه يا واد يابليه، انت حسستني اني فنان بجد، كل الموضوع فعلا تسليه، مش اكتر،، اسكت انت بس وبطل رغي كتير عشان نخلص اللي ورانا، بليه ابتسم: حاضر يا اسطى، بس هستسمحك اروح اجيب كوبايتين شاي عشان نعرف نشتغل بمزاج عمر ضحك: ماشي يابليه ما انا مش هخلص من طلباتك، وفعلا جري بليه على القهوه بس لاحظ حركه غريبه والناس بتجري، راح وراهم وعرف ان عم رمضان تعب ووقع قدام ورشته،، بليه جري على الورشه: يا اسطي عمر، يا اسطى عمر، الحق يا اسطى، عمر قام بخضه وقال: فيه ايه يا بليه ايه اللي حصل،، بليه بينهج؛ عم،، عم،، عم رمضان يا اسطى، تعبان قوي وواقع قدام ورشته،، عمر بصدمه: ايه،. عم رمضان، وجرى من قدام بليه وقال وهو بيجري، خد بالك من الورشه على ما ارجع يابليه، بليه: في عنيا يا اسطى، حاضر،، وجرى عمر ووصل لرمضان اللي كان ممدد في الأرض ومغمي عليه، ومش عارفين يشيلوه،، عمر شاله بمساعدة شباب الحاره،. ونبه على الناس يقفلوا ورشته، وقال لدقدق يطلع ينادي نور، وفعلا نور وصلت،، نور بخضه: خير ياعمر ماله عم رمضان،، عمر بقلق: مش عارف،. بس وقع فجأه ومش عارفين ايه السبب، نور: كشفت عليه بالسماعه ، لقت ان النبض كويس، وقاست السكر بجهاز قياس السكر لقيته عالي، اما الضغط فكان عالي شويه لكن مش خطير عمر بلهفه: ها يا نور، طمنيني، نور : متقلقش يا عمر، عم رمضان مريض سكر، وده وارد جدا، لأنه أهمل في نفسه، واكيد مبياخدش دوا للسكر ، انا هكتبله على علاج مؤقت دلوقتي، وأن شاء الله هيبقى كويس، لكن لازم برده يتابع مع دكتور، اكيد هو هيكون اعلم بحالته مني، صبحي داخل جري وبينهج،، : عمر،، عمك رمضان ماله، طمني عليه يابني، عم محمد والست ام ابراهيم بلغوني انه تعبان عمر قعده: اطمن يا عم صبحي، عم رمضان زي الفل، اهدي بس وان شاء الله خير صبحي بقلق؛ يعني هو فاق،. نور؛ لا ياعم صبحي بس هيفوق ان شاء الله،، وبصت لعمر،، هات الدوا ده ياعمر، وباذن الله هيقوم وهيبقي زي الفل، صبحي: تسلمي يا دكتوره،، ربنا يبارك فيكي يابنتي، ويصلح حالك ويحفظك انتي واخواتك من كل شر، شيمو الخطيب عمر نزل وجاب الدوا فعلا وطلع ونور علقت المحلول ليه أكرم راجع من شغله، وعدي على الورشه ملقاش حد، وده لان بليه كان بيجيب الشاي، وراجع على طول، أكرم طلع لعمر وبيخبط على الباب تقى فتحت وقلبها دق اول ما شافته؛ أكرم،، ازيك يا أكرم أكرم ض*بات قلبه بتزيد : احم، هو عمر هنا يا تقى، تقى ب**وف: لا يا أكرم، عمر عند عم رمضان،، أكرم باحراج: احم،، طب انا اسف للازعاج، انا عديت على الورشه ملقتوش قلت اكيد هنا،. تقى؛ ولا ازعاج لا حاجه، انت اخويا زي عمر بالظبط أكرم ملامحه اتغيرت، وتقى لاحظت ده، وحست انها برده ادايقت من الكلمه، لكن مش عارفه تقول ايه،. اكرم: اخوكي،، ماشي يا تقى تسلمي، انتي برده في معزة اختي واكتر،، انا اسف مره تانيه، بعد اذنك تقى ندهت عليه: أكرم،، أكرم بصلها بخنقه : نعم يا تقى فيه حاجه،. تقى بتوتر : لا ابدا، بس انا كنت عايزه اقولك ان عم رمضان تعبان عشان كده عمر عنده،، أكرم اتصدم وقال بلهفه وخوف : تعبان،، طب هما في بيته دلوقتي، تقي: ايوه هناك هو ونور أكرم؛ طيب انا هروحلهم حالا،، وقال هو نازل على السلم بسرعه،، ادخلي يا تقى واقفلي عليكي الباب ومتفتحيش لحد قبل متعرفي مين اللي على الباب،، تقى ابتسمت لخوفه عليها، ودخلت من غير مترد لانه كان جري على بيت عم رمضان،، وعدي اليوم والكل اطمن على عم رمضان وروح على بيته ---------- بقلم شيمو الخطيب في فيلا السويفي جميله: اسعد، عشان خاطري حاول تحل الموضوع بعقلانيه، انا معنديش استعداد اخسر بنتي الوحيده اسعد سرحان وبيفكر وساكت جميله: اسعد رد عليا،. انت ناوي على ايه، اسعد: ايه يا جميله، انتي عاملاها مشكله ليه، انا كمان معنديش استعداد اخسر بنتي الوحيده جميله بارتياح : طب حلو قوي ممكن تفهمني. ناوي تعمل ايه، اسعد قام وقف وقال : انا لازم اقا**ه يا جميله،،،،،،،،،، ___________________ بقلمي شيمو الخطيب

Free reading for new users

Scan code to download app

App Store Google Play

Facebookexpand_more