Matapos ng bakasyon nila ni Andrew sa Boracay, ay agad na rin silang umuwi dahil marami pa silang dapat asikasuhin ni Andrew.
Gabi na ng dumating sila sa bahay nila kaya sa labis na pagod ay agad silang nakatulog ni Andrew.
Nagising na lang siya ng alas-otso ng umaga dahil sa pangangalay ng katawan.
Ramdam niya ang bigat ng hita ni Andrew na nakadantay sa kanyang hita habang yakap-yakap siya nito ng mahigpit.
Nakasubsob siya sa dibdib ng asawa kaya tiningala niya ito para makita ang napakagwapong mukha ng asawa niya.
Napangiti siya nang marinig niya ang mahinang paghilik ng asawa niya at bahagya pang nakakawang ang bibig nito.
Dahan-dahan siyang gumalaw para hindi niya magising ang asawa niya.
Iniangat niya ang hita nito at tinanggal sa ibabaw ng hita niya.
Matapos niyang makatayo
