Kinabukasan ay ako na lang mag-isa sa kama at tanging almusal at sticky notes lang ang iniwan niya. Napabalikwas ako ng bangon nang maalalang may ka-meeting nga pala kami ngayon. Tatayo na sana ako nang maramdaman ang kirot sa maselang bahagi ng katawan ko. At doon ay unti-unting pumasok sa isipan ko ang lahat ng nangyari kagabi.
Hindi ko naman pinagsisisihan kung ano ang nangyari, hindi ko lang talaga alam kung ano ba dapat ang tamang trato namin pagkatapos noon?
Kinuha ko ang breakfast ko sa gilid ng kama pati ang sticky notes at binasa iyon.
'Eat your breakfast. I'll meet Mr. Chua.'
Habang kumakain ay napansin kong maraming nagkalat na papel tulad sa sticky notes. Dahil nagmamadali ay hindi ko na pinansin pa at binilisan na lang ang ginagawang pagkain.
Magpapalinis na lang ako.
