HABANG PAPAUWI sakay ng taxi, nakabuo na si Savannah ng desisyon. Desisyong kahit mahirap kailangan niyang gawin. Siguro yun ang nakatadhana para sa kanila, isa pa sa umpisa pa lang mali na ang lahat. Maybe they're not meant to be together.
Malaking responsibilidad ang nakaatang kay Noah at ayaw niyang maging hadlang doon. Naisip kasi niya ang sinabi ng kapatid nito. Na aalis si Noah para mangibang bansa upang makatulong sa pamilya. Pero bakit hindi man lang nasabi iyon sa kanya ng lalaki? Bakit nangangako ito ng mga bagay na hindi naman pala nito kayang tuparin?
Ano ka ba, Savannah! Ibig sabihin lang non! Hindi ka kasama sa mga plano niya. Baka nadadala lang siya at naaawa sa mga mapait na dinanas mo sa buhay kaya ka napapangakuan ng kung ano-ano! Kasalanan mo din yan! You let your gua
