MAAGA silang gumising ni Noah kinaumagahan. Inihanda nila ang mga dadalhin para sa mahabang byahe patungo sa probinsya. Along the way ang apartment ng binata kaya dadaanan sila ng mga kasama at convoy na lang.
"Ready ka na?" tanong ni Noah pagkalabas niya sa kwarto.
Tumangatangong ngumiti si Savannah. Kagabi pa hindi maalis-alis ang ngiti sa mga labi niya. Magkatabi kasi silang natulog ni Noah, although walang session na naganap. Magdamag naman yata siyang ginawang dantayan ng lalaki. Kunwari pang nakalikod matulog sa kanya, pero noong magising siya ng madaling araw nakasiksik na sa batok niya ang mukha nito.
"Oo. Ay, wait pala!" anya't tinungo ang refrigerator. Kinuha ang dalawang maliit tupper ware saka isinilid sa loob ng bitbit na beach bag.
Kumunot ang noo ni Noah. "What's that?
