Ilang araw ng mainit ang ulo ni Top at alam niyang naninibago na sa kaniya ang pamilya at mga tauhan niya. Hindi naman kasi siya dating ganoon na kahit sa maliit na bagay lang ay mabilis nang magalit. Alam ng mga taong nakapaligid sa kaniya kung gaano kahaba ang pasensiya niya. Pero ngayon ay parang hindi na niya makita ang dating siya dahil kahit sa mga simpleng bagay lang ay mabilis na siyang mainis. Ang ilan pa nga sa mga tauhan niya ay napapagalitan na agad niya ngayon kapag may nagagawang pagkakamali ang mga ito sa trabaho.
Katulad na lang ngayon na nagkamali ng resibo na ibinigay sa kaniya ang staff niya sa main branch ng Lucky 7. Kung kailan nakauwi na siya ng bahay ay saka lang niya napansin na maling resibo pala ang naibigay nito. Inis na napamura na lang siya at pagod na ibinags
