Nagkatinginan ang dalawang lalake nang masigurado nilang patay na nga ang babae na kanilang target. Bahagya pang nakadilat ang mga mata nito na wala ng buhay. Ginulo nila ang buong kwarto para magmukhang may nakapasok na mga magnanakaw. Hindi na sila nag-aksaya ng panahon at mabilis silang lumabas ng kwarto. Hinanap nila ang caregiver na nagpapasok sa kanila.
Medyo madilim ang buong bahay dahil iilan na lang ang nakabukas na ilaw roon. Tumingin ang isa sa kanyang kasama at nagtataka kung nasaan na ang babae. Gaya ng ginawa nila sa kwarto, ginulo rin nila ang buong bahay at kinuha ang ilang mga gamit na mapapakinabangan nila.
“Unahin na muna natin ang isa.” sabi nito at tumango ang kasama nito. Maingat silang umakyat sa hagdan at chineck nila ang mga kwarto na naroon hanggang sa isa na
