ذكريات قاتله

٩

مرت سنه?

زياد ازوج وعندا عيلين

خالد ووفاء مخطوبين والزواج بعد اتخرج وفاء

وانا ومعاذ ربي مارزقنش بعيال لعند توا

.

.

.

كنت رآقده حسيت بحآجه مسقعه ف بطني

انا>>"نطيت وعيطت"

معاذ>>"طايح جنبي ويضحك بجده"

انا>>لعند تجيبلي الجلطه انت شامتهاا انا

معاذ>>"مسكني ويضحك"

انا>>حول حول

معاذ>>"يضحك"وراس حبيبي خلاص بس سهفتيني وانتي راقده

انا>>"بحتت فيه"سهفتك تحطلي اميه مسقعه

معاذ>>"يضحك"ههههههههههههههههههههههه

انا>>"ض*بته ع يده"بارد راه مافيكش جو

معاذ>>نحبك بس

انا>>"بحتت فيه وعيوني دموع"بس تحب العيال اكثر

معاذ>>ردينا ي نور لنفس القصه

انا>>"حطيت راسي ع كتفه وقعدت نبكي"

معاذ>>لاحول الله ياربي ي بنت الناس انا راضي مانييش عيال ي ستي

انا>>تكذب عليا مافيش حد مايبيش عيال

معاذ>>انا

انا>>ماما وعميمه كلنلي كبدي كيف مرات زياد ازوجو بعدنا وعندهم اثنين

معاذ>>"مسكلي وجي"نوور نحنا سكرنا عليه الموضوع هذا لعند ربي يسخر وينحل اللي يحكيلك مره ثانيه قوليلهن معاذ مايبيش دفيها ف وجي تسمعي

انا>>نبي بيبي يقولي ماما

معاذ>>"اضبطني"ربي كريم حبيبي ربي كريم

.

.

.

.

.

ف الصبح

صبيت صليت ووتيت الفطور وجيته

انا>>حبيبي معوذي ي روحي

معاذ>>هم

انا>>هيا نوض

معاذ>>خليني ماعنديش عمل اليوم

انا>>وراك صلاه جمعه

معاذ>>"رد رقد"

جيت قمعزت ع ظهره

معاذ>>"ضحك"كيف الاطفال راه

انا>>اصلا انا البيبي متاعك

معاذ>>وحبيبتي

انا>>وشن اخره

معاذ>>وحياتي وعمري

انا>>واخره??

معاذ>>وروحي وقلبي ووتيني

انا>>واخره

معاذ>>نحبك?

انا>>واخره

معاذ>>صبي خلاص?

انا>>نبيش?

معاذ>>نرد نرقد راه

انا>>"صبيت"لالا هيا نوض?

معاذ>>"صبا وحبني ع خدي"صباح الحب

انا>>صباح النور حبيبي

.

.

.

.

مشينا لحوش عمو

خشينا سلمنا وخشيت مع عميمه للمطبخ انا ووفاء

انا>>"نضحك"عليك يوم

وفاء>>"تضحك"ذكرياات

بعد اذان الظهر

خشت "ود"مرات زياد وعيالها

نجاح>>طيب فيك ي حنه جيتي

ود>>"اتلسون"والله ي عميمه كنت نواعي ف العيال ونغيرلهم

نجاح>>"بصوت واطي سمعتها انا"مخمجه الا انتي اللي راقده ويواعي فيك زياد

انا>>"بحتت ف وفاء وضحكت انا وياهاا"

ود>>كيف نور من امتى جايه

نجاح>>من صباح ربي بنيتي ربي يحفظها مرات الغالي

ود>>"بحتت فيا بحقد وعدت"

.

.

.

.

مر شهر

.

.

متكيه جنب معاذ

معاذ>>حبيبي مازلتي

انا>>اممممم كبدي زاعمه مزال

معاذ>>باهي نديرلك ليم

انا>>لالا"وصبيت نجري رجعت حشاكم وجيت جنبه"

رقدت وهو يديرلي ف كمدات

انا>>"فتحت عيوني القيته يبحت فيا"حبيبي

معاذ>>عيوني ردي ارقدي

انا>>كأنهم حطوك ف قلبي اصلا ديما هن"وحطيت يدي ع قلبي"مش حتسيبني بكل صاح

معاذ>>بكل ي روحي انا معاك ردي ارقدي ماتفكري ف شي

انا>>"رقدت ع يده"ماما تبيني نجيها بكره

معاذ>>وعدي لك فتره مامشيتي وامشي بسيارتك دبانك تعلمتي

انا>>ان شاء الله

.

.

.

.

نضت ف الصبح فطرت معاذ وسقدته للعمل

ودرت غدايه وضميت شقتي وقمعزت نقرا لعند ماجا حطيتله غداه وطلع من جديد

لبست ومشيت تكيت ع صيدليه خذيت تحليل منزلي ومشيت لهلي

سلمت ع ماما وخشيت للحمام طلعت وانا الصحكه مرسومه ع وجي

انا>>مامااااا

ماما>>كنك شن في

انا>>حامل ي ماما طلعت حامل"واضبطتها"

ماما>>"قعدت تزغرت"

جا بابا وخالد وكان معاهم زين>>شن في

ماما>>نور حامل حامل

بابا>>ماشاء الله مب**ك ي بابا

خالد>>مبروك

انا>>الله يبارك فيكم بس ماحد يقولها لمعاذ لة شن صار اه وعد وانت خالد ماتقولهش لوفاء

.

.

.

.

قيس المغرب هكي ركبت سيارتي وطلعت

حسيت ف حد يلحق فيا بالسياره

شريت اشويه حاجات من المحل وهديه لمعاذ

وطلعت فجأءه طلعت قدامي سياره وسكرت عليا الطريق ونزلو منها اثنين

انا>>"من الخوف خلاص"

فتحو الباب ونزلوني حطولي حاجه اغمى علياا معش حسيت بشي

وسيبو السياره مكانها وعدو

.

.

.

.

.

.معاذ>>"رن ع خالد"ايوا خالد ترا عطيني نور

خالد>>كيف نور لها طالعه من المغرب

معاذ>>وتطلقهاا ياخالد لللمغرب وتطلقها نقالهاا مقفل افرض صارتلهاا حاجه

.

.

.

.

لعند توا مافيش خبر علياا

خبرو الشرطه ودوريات البحث وكلمو صحباتي كلهن مافيش اثر

لعند رن واحد من الشرطه ع معاذ

.

.

.

الشرطه>>الفيناا السياره وفيها النقال ومافيش اثر للمدام

معاذ>>كيف هذذذي احكوووولي كيف يعني نخ*فت اهههه احكييي اطلعوها من تحت الوطا

مشو معاذ وخالد وزين للسياره وكان فيها عرم حاجات فتح معاذ الباكو اللي له وكانت ساعه مكتوب عليها اسمي

روحو لحوش هلي اللي قاعدين كلهم

.

.

.

.

ود>>نحكيلكم انا حقيت نور

معاذ>>وين حقيتيها

ود>>كنت ع البلكوني بعد طلعت من حوش هلها وجاها واحد حكت معاه وركبت للسباره وقعدت سيارته تلحق فيها وبعدها اختفو عليا

معاذ>>كيف شن شكله

ود>>"عطآته مواصفات وليد"

خالد>>ود بطلي كذب انا طلعت معاها لعند فم الباب

ود>>انت اللي بطل كذب حقيتها بعيوني

طلع معاذ كيف الهبل لحوش وليد وكيف ماتوقع مالقش ف حوشه

هناا صدق كلام ود صاح زدارني هاربه معاه بعد جمع الاحداث يوم الفرح بعد سمعني نحكي معاه معناها خطه واليوم اللي شافني معاه

وض*بت ف عقله ان فعلاا هاربه معاه

.

.

.

.

.

مر شهر

.

.

.

.

ولعند الان مافيش اي خبر علياا معاذ معش دور لان صدق الكلام اللي علياا

خالد وزين قعدو يدورو ومعاهم بابا اما هل داري كلهم صدقو كلام ود وكلام معاذ اللي داره ف عقله

.

.

.

.

خش عليا حد من الخاطفين

شاب>>ي اختي عطيني رقم حد من هلك نقوله مكانك

انا>>انت من

شاب>>مايهونش عليا بنت ناس كيفك يعذبها الحقير هذ

انا>>"عطيته رقم معاذ وبعد رد عطاه ليا"الو حبيبي انا نور

معاذ>>من نور مانعرفش حد بالاسم هذا"وسكر"

انصدمت وعطيته رقم خالد

وصفله المكان واشويه وجا ومعاه الشرطه

فكني وانا نبكي

وطلعت معاه

.

.

.

.

وصلنا للشارع

انا>>خالد تكي ع حوش هل معاذ

خالد>>بس

انا>>لوسمحت

وصلنا نزلت معايا بابا وزين وخالد

دقيت الباب وفتحت وفاء

انا>>"نبي نضبطها وخرت"وفاء

وفاء>>حولي غادي كملتي غرامياتك

انا>>شن تحكي انتي

طلعو كلهم

معاذ>>يامرحبا كملتي حبك وغرامك

انا>>فيش تحكو انتم

نجاح>>عدي غادي عدددي درتي فلايط وجايه

انا>>"بحتت في بابا"فيش يحكو هذوما

ود>>شفتك طلعتي مع وليد

انا>>وليد من

معاذ>>انكري"وقرب مني"معش تلزميني انتي

انا>>معاذ والله كان خاطفني اسأل خالد

معاذ>>خوك اكيد بيستر عليك

انا>>تي والله مادرت حاجه الله واصلا انا حامل حامل بولدك

معاذ>>ولد وليد مش ولدي درتي فلايط وجايه ادفي ف العيل ف وجي

انا>>"ض*بته كف"مانسمحلكش

بابا>>معاااذ شن الكلام هذا عطبتك بنتي مش تحافظ عليها مش اطلع كلام من عندك

معاذ>>هذا اللي عندي اطلعي من حوشي اطلعييي

نجاح>>اطلعي ي عاهره اطلعي وورقتك اتجيك مايشرفنش زحده كيفك

انا>>وين وعدك لياا وحبك وين صدقت حاجات علياا انا انا نور اللي كنت ماتحلف الا بأسمهآا هه طلعت كذاب ي معاذ اي حب تحكي عليه وانت تحكي هكي اي حب كنت معتبرتك حبيبي وبابا وصاحبي وخويا وراجلي ووليدي بس توا انت ولا شي كل الحب اللي حبيته لك طلعت مش قصده طلعت اي شي شوري تصدقه وانتي ي ود خافي من يوم بكره وحسبي الله ونعم الوكيل ف كل حد دوا علياا وكذب ومش انتم تقولولي تجبولك ورقتك انا اللي نبيها ورقتي لان مانعيشش مع حد ماعندش فيا ثقه حد عطيته حب اكبر منا معاذ>>اطلعي اطلعيييي

طلعت وانا منهاره بالكامل

.

.

.

.

.

.

وصلت القصه للشارع وبنغازي كلها

جآنا زين خذآنا وسيبنآا حوشنآا

.

.

.

.

مرن 5شهور وانا عآيشه ع التغذيه والمهدئآت

.

.

.

ف يوم دق باب حوش فآتن طلع زين فتح

وجآا

زين>>"مدلي ورقه"ربي يعوضك خير"ومد لخالد صندوق"وانت ربي يجيبلك اللي خير منها

انا>>"فتحت الورقه وقريتهآا وكان فعلاا طلقني قمعزت فقدت توازني"

بابا>>"مسكني"بسم الله ي بابا

انا>>"اضبطته وقعدت نبكي"طلع كذاب ي بابا كذب حبه كذب وعيشته كذب وعوده كذب ياريتني ماوافقت يومهاا ياريتني ماعشت معاه الحب اللي عشته كله ياريت

بابا>>ي بابا ي حبيبتي معش ينفع الندم توا ربي يعوضك خير اللي باعك بالفول بيعيه بقشوره

انا>>واعدني ي بابا مش حيسيبني وولده ي باباا ولده يعيش من غير اب

بابا>>انا معاكم ي بابا كيف ما ربيتك انربيه ولدك انا سندك وظهرك ووين ماتندهي تلقيني ف ظهرك عيشي وكأنك ماحبيتش يوم قوي روحك سلم بنتي عشان ولدك وكملي قرايتك واشتغلي وانشطي وردي نور اللي نعرفهاا خليني نفتخر بعد انقول بنتي نور واللي يعتذر منك سامحيه الدنيا مافيها شي ي بابا

انا>>"تن*دت"ربي يخليك لياا

.

.

.

نضت ف الصبح بدلت

انا>>صباح الخير

بابا وماما>>صباح النور

انا>>انا ماشيه

بابا>>"صبا حبني ع راسي"ديري بالك ع روحك ي بابا واعرفي اني ديما فخور بيك وين ماتمشي ورفعي راسك فوقق وردي ثقتك من جديد

انا>>"حبيته ع يده"انا ماشيه

وطلعت لزين

مشيت انا وياه عندي مراجعه عند الدكتوره

زين>>خشي وتوا نرجاك هن

انا>>تمام به

خشيت للدكتوره دارتلي صوره

انا>>شن وضعه البيبي

الدكتوره>>وضعك انتي وياه الحمد لله بس نور حافظي ع روحك راه التوتر يخليك تجببي بدري وانتي معرضه للولاده المبكره

انا>>ان شاء الله خير"وصبيت"شكرا بارك الله فيك*وطلعت"

كنت ماشيه وحاطه يدي ع بطتي ومنزله راسي

خبطت ف حد رفعت راسي

معاذ>>"يبحت فيا وف بطني"

انا>>"حسيت ركبتني حراره"

معاذ>>"عيونه ف عيوني"

انا>>"جبت نبي نمشي"

معاذ>>"مسكني من يدي"استني

انا>>حول يدك لو سمحت مش ع ذمتك انا"وفبكتله يده"

معاذ>>مستحيل تكوني نور اللي نعرفها

انا>>"برمت بحتت فيه"نور اللي تعرفها دفنتها توا نور جديده نور بلا معاذ نور مع ولدها بس

معاذ>>"يبحت ف بطني زين"كيف هنت عليك بس

انا>>اللي عايش فيه انت تخلف راك مريض الي ف عقلك ماصارش مناا كله واللي ف بطني ولدك معاذ>>قلبي مصدق وعقلي لا وليش غبتي شهر كامل برا الحوش وبعد جيتي جيتي حامل

انا>>متخلف مريض كرهتك كرهتك

زين>>نور

انا>>"برمت عليه"

زين>>"بحت ف معاذ"هيا خلينا نمشو

انا>>هي

معاذ>>واحد جديد"وضجك بهزوه"

انا>>"برمت بحتت فيه بنص عين"فعلا انك متخلف وخساره حبي"ومشيت مع زين"

زين>>دوالك شي

انا>>لا بس كنت بحاجه اني نشوفه"وحسيت مغز ف بطني*

زين>>انتي تمام

ان

تمام"وركبن"

مشينا وكان زين كأنه يلهي فيا بشي

خشينا للشارع

زين>>"درس"نور نبي نقولك شي

انا>>شن في

زين>>انتي مؤمنه تجري

وبشر الصابرين اللذين اذ اصابتهم مصيبه قالو انا لله وانا اليه راجعون

انا>>"ولع السياره وخش للشارع"

انا>>زين شن قي احكي"وبرمت القيت خيمه وخالد قدام الباب ويبكي*

زين>>عظم الله اجرك عمي محمد عطاك عمره

انا>>بطل كذب تكذب عليا صاح"فتحت باب السياره"

نزلت

ونذكر ف الصبح حبني ويوصي فياا اخر يوم له هذا عليش

زين>>"نزل يجري ومسكني"نور وين ماشيه تعالي

انا>>"قعدت نبكي ونعيط"كيف سيبني بروحي كيف كيف خلانيي وهو اللي يقولي انا سندك **رلي ظهري **رني حول ي زيين خليني حوول

زين>>نور اهدي اهدي

انا>>"ندف فيه"حوولل خلينيبي"ومشيت نجري خشيت للحوش"

ماما>>نعليااا راجلي نعلياا ي حبيبيي سيبتني بدري ي محمد صيبتني بدري من قالي نشيب معاك زنكمل عمري انا وياك حي عليك ي نجاااه قعدتي بلا سند بلا ظهر حي علياا اناا

انا>>"نبكي"بابا وين

ماما>>"تخبط ع وجهاا وركبيها"عده ي نور عده اللي حاميني انا وياك عده اللي ساندنا

انا>>"طحت ع اركابي"لمن خليتني ي باباااا لمن وعدتني وطلعت كيف معاذ من ظهري وسندي بعدك **رتني ي باباااا

من ليااا انا من يطبطب علياا من يقول بنتي مايقربها حد ومايلمسها حد من ينصحني ويربي ولدي من تقولي اقعدي قويه كيف القوه وانت مش معاياا اي قوه وانت بعيد علياا وانت ف مكان مظلم من ليااا انا من

حنان>>"اضبطتني"ادعيله ي نور ادعي"وتبكي*

انا>>الله يرحمك ي ضي عيوني الله يرحمك ي سندي ي عزوتي الله يرحمك ضي حوشتاا مات من قهرتاا ع عياله حسبي الله ونعم الوكيل ف اللي قهرنا جعناا مقهور ومايلقا مايطفي ناره جعناا من عزاء لعزاء من موت لموت ياالله ياربي صبرني ع بلوتي اللهم لا اعتراض يارب صبرك يارب

خش خالد

خالد>>"قمعز جنبي وكرني عندا وقعد يبكي"

انا>>حي عليناا قعدنا بروحناا من يسندناا ي خالد من من ينصحناا ي خالد من من يحظر تخرجي ويرقصلي فيه من يانعلياا ي بابا ي حنون نعلياا ي حبيبي ي عزوتي

.

.

.

.

.

عده اسبوع واسبوعين شهر

وانا توا ف الشهر السابع

.

.

.

ماما>>هيا سلم بنتي كولي لقمه

انا>>"نبحت فيهم وساكته"

خالد_>>نور مايسيرش هكي فكري ف ولدك ع الاقل

حنان>>خلوها براحتهاا بس

طلعو كلهم

ف الليل

انا>>"حسيت بمغز قوي"أممممممم ياماماااااا"وزادت الليه"مااااااااماااااا

خشت ماما تجري

ماما>>نور كنك ي ماما

انا>>مغز ي ماما مغز"ونعيط"

خشت فاتن

فاتن>>نجاه فيش اديري لبسي البنت خلي يشيلوها للمستشفي

لبستني عبايتي وشمرني خالد وطلعناا

وانا ف الغرفه

انا>>"ناخذ ف نفس"خالد

خالد>>نعم ي روحي

انا>>بعد نجيب نبيك تجددلي قيدي نبي نرد نقرا"وناخذ ف نفس*هكي وصيه بابا

خالدحاضر حاضر

جت الدكتوره وخششتني للعمليات

الدكتوره>>قتلك ي نور حافظي ع روحك قتلك

انا>>"نبكي ونعيط"

حسيت بثقل ع يديه الاثنين

بحتت ع اليمين لقيت بابا وع اليسار معاذ

بابا>>هيا حبيبتي جيبي ولي العهد سندك قوي روحك حبيبتي

معاذ>>"ضغط ع يدي"هيا حبيبي نور جيبي ولدناا خلي يعيش معاناا مش يكتمل حبناا

انا>>"نبحت فيهم ونبكي"انتم خيال انتم سيبتوني

معاذ>>"حبني ع جبهتي"انا مستحيل نسيبك انا ديماا جنبك مش بجسمي بعقلي وقلبي

بابا>>انا معاك ي روحي مستحيل نخليك بروحك

طلقو يدياا

بابا>>"شيرلي وعده"

معاذ>>"برم وبعدها بحت فيا"نحبك ديما اذكريها

انا>>حتي انا نحبكك

اختفاا

انا>>باااااااباااا معااااااذ

.

.

.

.

.

.

#يتبع?

#?