كانوا كلهم متحمعين علي الفطار تاني يوم فقال زياد: انا مسافر چينيف كام يوم.. هخلص شغل وارجع.. و هاخد عليا معايا..
كلهم بصوا لبعض وفاديه قالت: عليااا؟ واحنا نقعد لوحدنا؟؟ نقعد من غيرعليا؟ ازاي وانت عارف ان هي الوحيده اللي بتفرفشنا وتخرجنا من المود.. لاااا.. لا يمكن نفرط في عليا ابداا،و اذا كان لا بد يبقا نسافر معاك احنا الاربعه..
قال بغيظ: تسافرو معايا انتو الاربعه ايه هو انا رايح رحله، انا رايح شغل..
رانيا: ولما هو شغل عايز العروسه معاك ليه؟!
فاديه: يمكن.. يمكن عابزها تطبخله لقمته..
اسيا: او تغسله هدمته
رانيا: او توضب له فرشته
زياد بصلهم واستغرب وقال: هو اي هبد وخلاص منك ليها، تسمعوا انتوا الاربعه ، من هنا وجاي هيكون في نظام ,كل حاجه هتتقسم بينكم بالتساوي حتي السفر، كل واحده هتسافر مره…
فاديه: طيب بما اني الكبيره يبقا المفروض انا اول واحده اسافر معاك.. كدا زولم يا زيزو
زياد: زولم؟
