"لم تكمل جملتها حتي سمعت صوت الباص ، خرجت بلهفه لتنصدم مما رأته ، أنها موج تسير وهي تبكي وبجانبها مشرفه الباص تحاول تهدئتها "
_ بتعيطي كده ليه ، حصل ايه يا مس ايريني؟
*موج للأسف جابت درجة وحشه ف الكويز بتاع الأسبوع اللي فات والمس زعقتلها قدام الكلاس كله..
" ظهرت ملامح الغضب عليها "
_طيب شكرا يا مس.. " اخذت موج وجلسوا ع تلك الأرض العشبية واخدتها ف أحضانها وظلت تملس ع شعرها "
_ممكن تهدي عشان اعرف اي اللي حصل..
+جبت درجة وحشه اوي يا مامي ، وانتي اكيد زعلانه مني.. انا فاشلة..
_ نظرت لعيونها بحب: طيب وفين المشكلة بس ، ايه يعني جبتي درجة وحشه .. ده يستاهل انك تعملي ف نفسك كده ، انتي فاكرة ان قيمتك عندي بتتحدد بناء ع درجة ملهاش لازمه .. هل ده معناه اني هبطل احبك.. موج يا حبيبتي انتي قيمتك عندي اكبر بكتير من درجة ف كويز تافه ملوش لازمه .. وبعدين انتي مش فاشلة مش معني انك نقصتي كام درجة ان
