النهاية❤️
1783 Words
لايام عدت واحمد سافر تانى
الدراسه هتبدأ وهبدأ حياه جديده
هروح الجامعه..كليه الصيدله الي بحلم بيها ...يارب وفقنى
....
كوثر كلمتنى وعرفت منها ان الشاب اللطيف ده يبقي دكتور سليم الزيات ...اخو اميره خطيبه حسن ..هو ابن خالة كوثر
بس انا ازاي عمرى ماشوفته...او يمكن اكون شوفته بس كان شكله متغير?
الى خلاها تفتح موضوعه او تجيب سيرته
هو سألها عنى...
"لالا ..متروحوش بدماغكو لبعيد..هو اه حلو وامور بس انا لسه مافوقتش من الي كنت فيه..انا خايفه احب حد غلط تانى.."
......
اول يوم ف الدراسه ..اول يوم ف الجامعه ....هيييح
انا رحت القاهره قعدت مع احمد ف شقته هو عنده مكتبه ف نفس العماره ..مكتب استشارات هندسيه
...اول يوم وصلنى للجامعه ونزلت كنت تايهه معرفش حد بصيت للي مكتوب وعينى بتلمع(كليه الصيدله) ♥
وافتكرت كوثر ..ياترى هتبقي عامله ازاي ف اول يوم ليها ف كليه الهندسه
كانت دايما تقولى انها بتحب الهندسه والمهندسين اووى♥?...بس انا غ*يه مفهمتش قصدها غير متأخر?
....
دخلت قاعه المحضرات ومستنيه اول محاضره ف حياتى
دخل الدكتور الي هيدينا ونا مكنتش منتبهه لحد ماسمعت صوت عارفاه
-احم..صباح الخير
انا الدكتور سليم الزيات ....هنا انا انتبهت?هدرسلكم ماده (تاريخ ومدخل الصيدله)
"يامحاسن الصدف ..."
عدت المحاضره وفهمتها كلها وكله تمام
ونا خارجه لقيت حد بينادى
-احم ...دكتوره عهود
-"وقفت مكانى ولفيت لمص*ر الصوت بالراحه لقيته دكتور سليم"
ايوه ..اتفضل
-نورتينا ❤
-احم..ده نور حضرتك طبعا
-اه ..انا سليم ..اخو اميره طيبه حسن ?
-تشرفنا يادكتور?
-االشرف ليا ..فهمتى المحاضره ولا ..
-لا لا. فهمتها كلها وحضرتك يعني كفيت ووفيت ?
-طب ياريت لو حاجه وقفت قدامك متت**فيش ..انا موجود هنا كل يوم
-اكيد طبعا يادكتور ..شكرا..بعد اذنك
....خرجت ولقيت احمد مستنينى بره روحنا ع البيت وعدى اليوم وكله تمام
الايام بتعدى شبه بعض مفيش جديد
احمد بيوصلنى الصبح للجامعه وفضلت ع الحال ده اربع شهور
بحضر المحاضرات وبروح مع احمد بعد ما اخلص
بس الجزء الحلو م اليوم هو لما بشوف دكتور سليم ..كنت بحب محاضراته واسلوبه ف الكلام معايا..انسان محترم مش اكتر من كده وكمان طلع صاحب احمد اخويا من فتره طويله اوى ..بس غريبه هو عمره ماجابلي سيرته
قال يعني هو هيجبلي سيره حد ف حياته؟!?
كنا ف يوم من ايام الشتا والجو بيمطر خرجت من الجامعه وملقتش احمد وحاولت اتصل عليه اكتر من مره بس هو مردش ...انا معرفش حد هنا خالص ومعرفش كمان هروح ازاي ..الشوارع شبه فاضيه الا من شويه ناس ماشيين بسرعه ومروحين ونا واقفه مكانى خايفه جدا مستنيه احمد وقلقت عليه جدا والي زاد وغطى ان تلفونى فصل شحن
"كده كملت بقااا" طب هعمل ايه دلوقتي ياربي ...هروح ازاي
لقيته بينادينى ..
دكتوره عهود ..
بصيت ورايا لقيته دكتور سليم
-"معرفش ليه وقتها حسيت انى مش خايفه اووى...اطمنت .."
-دكتور سليم
-انا كنت مروح وشوفتك واقفه يعني ....هو احمد فين ؟
-احمد...احمد معرفش انا ..انا قلقانه عليه هو اول مره يتأخر وكمان مبيردش
-متقلقيش ان شاء الله خير
احم ..بصي ياريت متفهمنيش غلط بس انا....احم ممكن ...اوصلك؟
-انا ...لا لا...مم مينفعش ...شك كرا يادكتور
-انا اسف اوى ياريت متبقيش اتدايقتي بس والله ماقصدش حاجه ..انا اسف بجد اسف
-والله لا ..يعني مفيش حاجه بس ..شكرا لتعبك بس انا هستنى احمد
-بس مفيش حد ف الشارع غيرنا ..انتى شايفه!
-"بصيت حواليا واستوعبت كلامه وبدأت اخاف ..طب افرض احمد مجاش ..هعمل ايه ..بس لا ..مينفعش"
شايفه شايفه "بدأت عينى تدمع بسيط "بس هستنى احمد ..اتفضل حضرتك عشان متتأخرش
—————سليم————-
-استغربت من موقفها اووى.. هي رفضت مع ان الموقف بايخ ..يعني لو قبلت كان احسن انا مش هعرف اسيبها وامشي ..انا كل يوم بفضل مراقبها خطوه بخطوه لحد ما احمد يجي ياخدها واطمن انها بقت ف امان ...وحتى النهارده انا مكنتش مروح وشوفتها بالصدفه..انا كنت واقف بعيد ومراقبها وشايفها ولما احمد اتأخر القيت نفسي غصب عنى ب اروح واعرض عليها انى اوصلها عشان متفضلش واقفه ف الشارع وحد يبصلها..انا مستحملش حد يبصلها ولا حد يزعلها ...مين ده الي يقدر يزعلها اصلا ده انا اكله ب سنانى ..
قالتلى ان هستنى احمد ..ومش هقدر اعمل حاجه ..فضلت واقف بعيد شويه مراقبها خايف هموت م الخوف متحركتش من مكانى ولا بعدت نظرى عنها سنتى واحد ..انا بخاف عليها اكتر ما بخاف على نفسي ...حافظ كل تفاصيلها رغم اننا مبنتكلمش الا قليل
ضحكتها ..وكلامها وشكلها ونظرتها البريئه ...
فضلت واقف بعيد وشايفها واقفه مستنيه احمد لحد ما جاتلى مكالمه منه وبصوت باين فيه الخوف
-الو ..ازيك يادكتور سليم ..هو حضرتك لسه ف الجامعه
-اهلا ياباشمهندس ..فينك ..دكتوره عهود كانت بتحاول تتصل بيك وعرضت عليها اوصلها لما انت اتأخرت ..بس هي رفضت
-طب ..طب عي فين دلوقتي
-هي لسه واقفه عند الجامعه ونا كمان موجود
-بجد؟!!انا متشكر جدا جداا انت متعرفش انا كنت قلقان عليها قد ايه ..بصراحه العربيه عطلت ونا ملقتش اي مواصلات وكمان تلفونى كان قاطع شبكه ..انا اسف لو هتعبك معايا بس بعد اذنك توصلها البيت انا خايف مقدرش اجي دلوقتي ومش عايزها تفضل ف الشارع
-ياباشمهندس والله ياريت بس هي رفضت ..انا ممكن اديها التلفون وياريت حضرتك تقولها كده ..
-طب تمام اديهولها بعد اذنك ..انا متشكر جدا جدا ....
كان شكلها يجنن ..وشها الابيض الي وقع عليه حبات المطر وخدودها الحمره وعيونها البنى بتبص ف الساعه كل فتره وتتلفت حواليها
الهوا بيطير فستانها ب رقه وطرحتها البيضا الي مخليها قمر...كل حاجه فيها جميله ...عهود...عهود دى حوريه حياتى♥
—————عهود❤————
-هستنى احمد ..اتفضل حضرتك عشان متتأخرش
"شوفته بعد عنى مسافه قليله بدأت احس ب خوف تانى ..بس استغربت لما لقيته وقف عند عربيته بعيد عنى مسافه
هو مروحش ليه؟؟...بس انا اطمنت بوجوده ..وفضلت واقفه ومن فتره ل فتره ببص ناحيته اطمن انه لسه موجود اكتر من ساعه ع الحال ده وهو واقف متحركش
لحد مالقيته بيقرب ناحيتى
وقالى الباشمهندس ع التليفون اتفضلي يادكتوره
اخدت التليفون منه وكلمت احمد وقالي اروح مع دكتور سليم لانه مش هيقدر يجي دلوقتي ...
جاب العربيه بتاعته وفتح لي الباب ركبت ومشينا فضلت ساكته نص الطريق وبعدها اتكلمت
-انا بعتذر عن الدربكه الي حصلت دى
وتعب حضرتك ووقتك الي ضاع
-"هي اتكلمت ونا قلبي اتنفض من مكانه كأنه بيرقص ...وقتى الي ضاع!!يشيخه ده عمرى كله فداكى ..نفسي اقولها كده بجد"
لا ولا يهمك يادكتوره ولا تعب ولا حاجه المهم تبقي كويسه
"بصيتله ونا ساكته ..هو ايه الاحساس ده ..ايه البنى ادم ده❤ بجد قمر چنتل اوى وذوق انا ماشوفتش بعد كده"
كملنا بقيه الطريق نتكلم عن الكليه والمواد ونتناقش ف المنهج لحد ما وصلنا البيت ...ياااه .."هو الطريق قصير ولا انا الي بيتهيألي"
سليم-احم..وصلنا بسرعه? حمدالله عالسلامه
-الله يسلمك يادكتور "نظره عينه الخضرا دى الله اكبر عينه بتلمع وشكله حلو اوى هادى وراسي و ...اييه دده"
نزلت من العربيه وعزمت عليه يشرب حاجه بس هو رفض ..و**م ان اطلع البيت وبعد كده هو مشي
———سليم———
وهى معايا بحس ان انا مش عايز من الدنيا حاجه ..الوقت قدامها بيعدى ثوانى..مببقاش حاسس بنفسي ونا بكلمها ببقي حاسس بفرحه غريبه انا غرقان وعاشق ولهان .. ..هي مفيش زيها ....انا بحبها♥"
———عهود——-
حسيت بفرحه غريبه وقلبي فرحان فرحه من مده طويله محسيتهاش ...دكتور سليم!!?لا لا مش معقول ..."اهدى يا انسه عهود وركزى ف مستقبلك وبطلي هبل..كفايه المره الي فاتت ...مت**ريش قلبك ب ايدك مره تانيه "
ويوم بيعدى زي الي قبله
لحد اليوم الي حصل فيه حاجه خلت قلبي ينط من الفرحه
باشمهندس قلبي قرر يخطب صاحبه
عمرى ....احمد هيخطب كوثر
انا مش مصدقه نفسي ♥
انا فرحانه لهم اوى ..احمد مش هيلاقي احسن من كوثر ولا هتمنى لكوثر حد احسن من احمد ....حبايبي لايقين ع بعض اوى♥
فلااااااااااش باااااااااااااااك
يوم الخميس يوم خطوبه حسن
احمد وحسن كانو بيتكلمو سوا
احمد- ..ابو على ..انا..انا كنت عايز اكلمك ف حوار كده
-اتفضل يبو حميد
-هو ..بصراحه مش عارف ابدأ منين بس
انت عارف يعني انا لسه مش مرتبط وبدور على ...احم..على بنت الحلال الي اكمل معاها حياتى ...
-اه طبعا ..كمل ياباشمهندس
-ونت عارف برضو ان الحاله متيسره والمكتب شغال عال العال والشقه موجوده ويعنى مش ناقصنى حاجه
-يحبيبي ربنا يزيدك ..انت تستاهل كل خير
-بصراحه كده ياحسن ..انا عايز اطلب ايد الانسه كوثر اختك ....قولت ايه
- يحبيب قلبي يعني هو انا هلاقي احسن منك ل كوثر فين ...انا عن نفسي موافق ...بس انت عارف الاصول ناخد رأى العروسه
-تسلملى ...انا بس مش عايزاك تفاتحها ف الموضوع غير لما اتأكد من مشاعرها ناحيتى عشان ميبقاش في احراج
-معاك يصاحبي والف مب**ك مقدما ❤
بااااااااااااااااااك
والنهارده خطوبتهم
كوثر هانم طلعت دايبه ف دباديب الباشمهندس ..ماخدتش ف ايده غلوه
جهزنا كل حاجه لخطوبتهم ..النهارده انا الفرحه مش سايعانى ...باشمهندس قلبي هيخطب وهفرح بيه?
يارب يتمم لهم علي خير
بفستانها الروز الهادى الواسع طلت علينا كوثر? وطوق ورد على راسها وميكب خفيف زادها جمال على جمالها
وف ايدها حبيب روحى باشمهندس قلبي احمد❤ببدله سوده وكرافته وشعره متسرح بطريقه مخلياه مفيش راجل احلى منه ف الدنيا " خطوبتهم فرحتنا كلنا شوفت اميره وحسن لايقين ع بعض اوى اللهم بارك ?
ومن ضمن المعازيم كمان كان دكتور سليم ..ماهو ابن خالة كوثر كان شكله يجنن هو كمان "خ*ف قلبي ?"
قرب منى براحه وبصوته الهادى الرجولى
-ازيك يادكتوره ..الف مب**ك ❤
-الله يبارك فيك يادكتور عقبالك ?
-عقبالنا ..."قال الكلمه بصوت واطي وعينه ف الارض بضحكه هاديه "
-ها؟؟!
-شكلك حلو اووى النهارده ?
-احم ..ربنا يخليك ..ميرسي جدا
-بسكده؟
-ايه؟
-يعني ...ايه رأيك ف البدله ?حلوه؟
-"البدله يخرابي ع البدله ..هو في ف حلاوه البدله ولا طعامه البدله يخربيت البدله هيييح"
ااه اه ..البدله حلوه جدا وحضرتك كمان
"وشى احمّر جدا وقولتله بعد اذنك ومشيت ب حجه ان كوثر عايزانى..انا ممشيتش عشان كوثر عايزانى ..انا مشيت عشان لو كنت وقفت دقيقه كمان كنت هحضنه ده ايه الجمال ده??" انا قلبي استسلم ♥"
الاضواء هديت ف القاعه والصوت كمان وكوثر واحمد ع الاستيدج واغنيه هاديه اشتغلت
الرقصه Slowبقا
وقفنا نشوفهم والاغنيه بصوت هادى
"ربنا يخليك لقلبي ...تبقي طول العمر جمبي
كل ما اسمع حاجه عنك ..بعرف انى اختارت صح
كان لقانا احلى صدفه
يالي جمبك ببقي عارفه
انك انت جيت حياتى تملا كل سنينى فرح"
واقفه ببصلهم وعينى بتدمع وفرحانه بيهم اوى ولقيت حد بيتكلم بصوت هادى ورايا
-بحبك
??"بصيت ورايا لقيته سليم .."
كمل كلامه
-انا بحبك ياعهود
"ونا ساكته قلبي طااار وكأن ل**نى اتربط مش عارفه اقول كلمه وبصاله وخدودى بقت حمرااا"
-عهووود "شاور ب ايده قدام عينى"
-هزيت راسي بحاول استوعب ونطقت زي الهبله انت قولت ايه؟
-ب ...ح....ب....ك
-ونا كمان♥
..............——————————-
طبعا سهل تتخيلو الي حصل بعد كده
انا وسليم اتخطبنا وحقيقي انا مكنتش هلاقي احسن منه حد
بيتعامل معايا بكل احترام وحنيه
انسان بيفهم ومثقف وقمر
اكيد ساعات بنتخانق بس ده عشان هو قمر ونا بغير عليه وبخاف عليه اكتر من اي حد ❤
———————بعد ٤سنين كنا تقريبا خلصنا دراسه
حسن واميره اتجوزو وبقا عندهم ادم وخلود
وباشمهندس قلبي وكوثر اتجوزو وجابو لنا ٣مصايب روقيه وادهم تؤم ..وعهود❤
ومجاتش عليا انا وسليم يعني
اتجوزنا كمان وحتى بعد الجواز فضلنا عايشين بحب وبقا عندنا احلى ولاد
مريم وكريم ♥
افتكرت كلام ماما لما قالتلى انه كله نصيب ..ربنا شايلي الاحسن ...عوض ربنا لما بيجي بينسينا كل حاجه وحشه عشناها انا حبيت سليم كأنى عمرى ماحبيت قبله انا معرفش ازاي ماحبيتهوش من زمان ...بس ماما كان معاها حق..الي محبيتهوش امبارح ممكن بكره احبه واعشقه كمان❤❤ اي ازمه ممكن تعدى بسهوله لو عندنا يقين ان وراها مستخبي حاجه حلوه
(ان بعد العسر يسر) ده وعد من ربنا ووعد ربنا يكفينا ?
(ان الله يقذف الحب في قلوبنا فلا تسأل مُحِباً لماذا احببت♥)
......تمت
- Writer
