Nakaramdam na siya ng pagkainip sa lugar na ito dahil halos dalawang buwan na sila rito.
"Ma'am, hindi ka ba masaya na nakalayo ka pansamantala sa asawa mo?"
Tiningnan niya si Sha, wala siyang balita sa asawa kaya binabagabag siya sobra. Siya ang kusang umalis pero ang puso niya, naiwan naman sa lalaking iyon. Balisa pa rin siya.
"Ewan ko ba, Sha," malungkot siyang tumingin sa malawak na karagatan. Nakatulong ang tahimik na lugar na ito pero sa kabila pala ng paglayo niya, nami-miss niya ang lalaki.
Ilan sa mga tao nila ang sumalubong sa sa port nang dumating ang barkong sinasakyan nila at dito nga, sa isang bahay bakasyunan na ito sila napadpad. Ayon sa pinagkakatiwalaang tao nila, nabili ito ng matandang Romualdo bago ito nawala pero labis ang pagtataka niya na umabot na sila ng dal
