AIREEN
NAPAYAKAP ako kay Maria nang isara na ni Ayden ang pintuan ng sasakyan. Ito ang magmamaneho. Ilang minuto din kaming naghintay sa kanya rito. Basta nang makita ko siya, namumula ang mata niya. Naaawa na agad ako sa kanya dahil sa tingin ko may kinalaman sa amin ni Gavriil. Hindi ko rin nakita si Demi. Ang huli ko lang kita sa kanya nang akayin niya si Gavriil palabas ng silid.
Hindi ako kinakausap ng magulang ko. Karga ko lang si Maria. Kinukuha siya kanina ni Mama pero gusto ko siyang mayakap.
Sa isang 5-star hotel sa mismong siyudad muna kami tumuloy. Baka bukas pa ng gabi or sa susunod pa ang flight namin dahil may inaayos pa raw sa mga papeles. Dalawang room ang inukopa namin. Magkasama kami ni Ayden sa iisang room at sa kabila naman, sa magulang ko. Malaki naman kaya dalawa
