Ilang araw ding nanatili ang dalaga sa ospital. Nagdesisyon ang mag-asawa na ipatingin sa espesyalista ang dalaga dahil sa kasalukuyan nitong pinagdadaanan. Mabuti na lamang at hindi ganoon kalala ang epekto ng mga pangyayari sa dalaga. Tumimo lang kasi sa isipan nito ang lalakeng tinutukoy nito. Kaagad nilang ipinagbigay alam ang lahat ng mga sinabing iyon ng dalaga sa mga awtoridad. Subalit tila may pagsa-palos ang lalakeng ito dahil nahihirapan silang masukol ito.
Pagkarating ng mansyon, kahit paano, doon lang nakaramdam ng kapanatagan ang dalaga. Kahit pa sabihing doon siya nabaril, iba pa rin ang pakiramdam niya sa tuwing nasa bahay. Saka,ewan ba niya. Pero kahit marami siyang bantay doon sa ospital, hindi siya mapakali. Para bang palaging may nakatingin sa kanya at anumang sandali a
