-----
***Third Person’s POV***
-
Unang nagising si Hamlet.
Tahimik pa ang paligid. Malambot ang sinag ng umaga na pumapasok sa manipis na kurtina. Napatingin siya sa katabi niya sa kama. Maingat niyang ipinulupot ang braso sa baywang ni Bianca, hinila ito palapit sa kanya. Kusang lumuwag ang dibdib niya. Ang ganda talaga ng umaga pag si Bianca ang una niyang nakikita.
Magkatabi silang natulog, pero wala namang nangyari sa kanila. Buong akala niya kagabi hindi na siya pagbibigyan nito—alam niyang masama ang loob nito sa kanya. Pero sa pagmamakaawa at pangungulit niya… pumayag pa rin si Bianca. Sa isang kondisyon.
Sleep only. No touching. No anything.
Napangiti siya nang mahina.
Iniisip ba talaga nito na iyon lang ang gusto niya?
Hindi. Gusto lang niya itong makatabi. Kahit ganito l
