-------
***Bianca’s POV***
-
Huminga muna ako nang malalim bago tuluyang buksan ang pinto ng study room kung saan dinala nina Mommy at Daddy ang triplets. Nakaupo silang tatlo sa sofa—magkakatabi ngunit ramdam ko ang distansya sa pagitan nila. Si Iris, mahigpit na yakap ang paborito niyang stuffed toy. Sina Noah at Theo naman, tahimik, seryoso ang mga mukha na para bang mas matanda pa sa edad nilang lima.
Napatingin sa akin sina Mommy at Daddy. Para bang nagkaintindihan sila, at agad nilang iniwan ang kwarto para bigyan ako ng oras na makausap ang mga anak ko nang tahimik.
Lumuhod ako sa harap ng mga anak ko upang pantayan ang tingin nila.
“Kids…” mahina kong sabi, pilit pinatatatag ang boses ko. “Can Mommy talk to you for a bit?”
Tumango si Iris agad. Sina Noah at Theo, sandaling n
