Sa wakas ay natapos na rin ang maghapong taping ni Rusca.
Hindi ko na ulit nakita sa set si Bianca o kahit na si Marco. O baka hindi ko lang napansin dahil abala ako sa pagbibigay ng assistance kina Jasmine at Harlene. Hindi naman ako inuutusan pero nagkukusa na ako dahil nakakahiya naman na ako lang iyong walang ginagawa gayong abala ang lahat.
Nakakapagod din pala iyong trabaho ng mga artista. Nakikita lang kasi kalimitan ay iyong glamorosa nilang mundo pero sa likod ng mga matagumpay na pelikula ay ang pawis at pagod ng mga taong bumubuo sa buong production.
Halatang pagod din sina Harlene at Jasmine pero kahit isang beses ay hindi ko narinig na nagreklamo ang mga ito. Nakakatuwa lang dahil nagtutulungan ang lahat para sa magandang kalalabasan ng pelikula.
Ang tanging ambag ko lan
