"DAD," pormal na sabi ni Brant Cadden sa abuelo pagkapasok niya sa loob ng library at nakaupo na ito sa likod ng desk na naroon.
"Have a seat," anito at iminuwestra ang upuang kaharap nito. Pero umiling lang siya at nanatiling nakatayo sa harap nito. Alam niyang hindi tungkol sa negosyo kung bakit ito naparito.
"Thanks but no thanks, Dad. I know why you're here, so spill it." deretsong sabi niya rito. Kinabahan siya nang biglang tumalim ang naging titig nito sa kaniya.
Ni minsan ay hindi pa siya kinabahan kahit gaano man kagalit ang abuelo niya dahil sa pagiging happy-go-lucky niya at parang walang direksyon sa buhay pero ngayon ay hindi niya maintindihan ang sarili kung bakit nakaramdam siya ng kaba.
"Did you know she's pregnant?" tanong nito. Agad na kumuyom ang mga kamay niya at na
