"Maupo ka, hija." ani Daddy George kay Amaiah matapos nitong mailapag ang tray na may dalawang tasa ng kape sa may mesita sa harap nila ni Daddy. Agad namang inabot ni Brant ang kamay ng asawa at pinaupo niya ito sa kaniyang tabi.
Matapos ang hapunan ay sinabi ng matanda na kausapin sila nito ni Amaiah at dito sa library napili ng matanda na kausapin silang dalawa.
"Gusto ko sanang i-private na muna natin ang kasal niyong dalawa, apo," ani ng matanda sa kaniya. Agad namang namang kumunot ang noo niya.
"Why Dad? I thought you would prepare a grand church wedding for us," aniya sa abuelo. Napangiwi pa siya nang sikuhin siya ni Amaiah kaya napatingin siya rito.
"What love? Sinabi iyon sa akin ni Dad bago ako tumungo sa Cebu para kausapin ka." aniya. Nakita naman niyang umawang ang mga lab
