NAGISING si Amaiah sa malakas na tunog ng ringtone ng kaniyang cellphone. Nakatulog pala siya sa sobrang pag-iyak. Nang patuloy pa rin sa pagri-ring ay agad niya iyong kinapa sa ilalim ng kaniyang unan at sinagot iyon.
"H-Hello," paos ang boses na sagot niya habang nakapikit pa rin ang kaniyang mga mata. Pero agad din siyang napabalikwas ng bangon nang marinig niya ang boses ng kaniyang ina.
"H-Hindi..." nanginginig ang boses na aniya at sunud-sunod na tumulo ang kaniyang mga luha. "Nagbibiro lang naman po kayo, hindi ba? Galit lang po kayo kay Tatay kaya niyo po iyon nasabi." Hindi naniniwalang sabi pa niya sa kaniyang ina.
"H-Hindi kita binibiro at talagang patay na ang Tatay mo," garalgal ang boses na sabi nito sa kaniya sa kabilang linya. Hindi na siya nakapagsalita pa hanggang sa n
