Kumakain sila ng agahan ni Brant pero wala pa rin silang imikan na dalawa. Nagtatampo pa rin siya kay Brant kaya hindi man lang niya ito kinausap. At wala talaga siyang balak na kausapin ito hangga't hindi ito pumapayag na magtrabaho siya.
Hindi naman porke't kasal silang dalawa ay idedepende na lang niya lahat ng mga pangangailangan niya rito.
Paano kung kailangan na nilang maghiwalay? Paano na ang anak niya kapag lumabas na ito at wala pa siyang naiipong pera?
Kung hindi lang sana siya namomoroblema dahil doon ay susundin lang din naman niya ito. Ang hirap kayang makipag-silent treatment sa lalaking 'to.
"Fine, just submit your resume tomorrow. I'll see where you can work at the office."
Agad na nag-angat siya ng tingin kay Brant nang marinig niya ang sinabi nito.
“Brant, gusto ko
