Mariing nagdadasal si Jonah habang hinihintay ang resulta ng operasyon ni Justine. Panay ang agos ng kaniyang luha. Gusto niya pang mabuo ang kaniyang pamilya. Sa dami ng nangyari sa kanilang dalawa ni Justine, hinihiling pa rin niya na sila pa rin ang magsama sa huli. Gusto niyang maikasal sa lalaking matagal na niyang pinapangarap makasama hanggang sila ay tumanda na.
Tinapik - tapik ni Dylan ang balikat ni Jonah bago niya ito tuluyang niyakap. Sa tanang buhay niya, ngayon lang siya umibig ng ganito. Iyong tipong handa siyang magparaya para sa taong mahal niya. Ni minsan, hindi niya inisip na aabot siya sa ganoong sitwasyon. Sanay siyang babae ang humahabol sa kaniya.
"Shhh.... huwag ka ng umiyak. Nasa ligtas na kalagayan na si Justine. Hindi nakaabot ang bala sa puso niya. Mabuti na l
