May ngiti sa labi si Jonathan habang naglalakad siya pauwi. Excited na siyang makita ang kaniyang nobyang si Caroline. May pasalubong siya sa kaniyang nobya na panghimagas. Lalo na't naging mahilig bigla sa matatamis ang kaniyang nobya.
"Jonathan...."
Nangunot ang noo ni Jonathan nang sumulpot sa kaniyang harapan si Maya. Ilang linggo na rin simula ang huli nilang pagkikita. Malungkot ang mga mata nitong nakatingin sa kaniya.
"Maya? Bakit? May kailangan ka ba?"
Mabagal na tumango si Maya habang pinaglalaruan ang kaniyang mga daliri. "O- Oo.. hihingi sana ako ng tulong sa iyo. Hayaan mo, huling tulong na ito. Hindi na kita guguluhin pa. Tanggap ko na si Caroline ang mahal mo. Kaya sana, tulungan mo ako ngayong gabi."
Lalong nagtaka si Jonathan. "Ha? Ano bang tulong ang kailangan mo?"
